Dúnıejúzilik kóshpendiler oıyndary: Qanat Qasymhan dástúrli sadaq atýdan «kúmis» aldy

ASTANA. QazAqparat - Túrkııanyń Iznık qalasynda ótip jatqan Dúnıejúzilik kóshpendiler oıyndarynda qazaqstandyq Qanat Qasymhan dástúrli sadaq atýdan kúmis júlde aldy, dep habarlaıdy QazAqparat tilshisi.

Atalǵan saıysta álemniń 32 elinen kelgen 135 sportshy baq synady. Erler arasynda úzdik 16 mergenniń qataryna Qanat Qasymhan, Alı Sessıgýzel, Azamat Nurtaev qosyldy. Olardyń arasynan Qanat Qasymhan fınalǵa shyǵyp, túrkııalyq Oǵyz Oqshymen kúsh synasty.

Jarys barysynda ol qarsylasynan 2 upaıǵa jeńilip, kúmis medalǵa qol jetkizdi. Bul - qazaqstandyq sportshylardyń dástúrli sadaq atýdan halyqaralyq arenadaǵy alǵashqy jetistigi.

Eske salsaq, kóshpendiler oıyndaryna álemniń 102 elinen 3 myńnan astam sportshy qatysýda. Qazaqstannyń atynan 50 sportshy saıystyń bes túrinen baq synasady. Olardyń qatarynda kókpar, qazaq kúresi, dástúrli sadaq atý, jamby atý, kókbóri bar.

Eske salsaq, dúnıejúzilik kóshpendiler oıyndarynda kókpardan Qazaqstan quramasy Ózbekstandy jeńdi.