Dúnıejúzilik banktiń qoldaýymen el aýmaǵyndaǵy 80 áleýmettik nysan jańǵyrtyldy
Nysandardyń biri-olımpıadalyq rezervtiń Soltústik Qazaqstan sport-ınternat-kolledji, onda bir kezderi tanymal qazaqstandyq sportshy Aleksandr Vınokýrov oqyǵan. Joba aıasynda ǵımarattyń shatyry men qabyrǵalary jylytyldy, jylý pýnkti avtomattandyryldy, jaryqtandyrý balalardyń turýy men oqýy úshin únemdi júıemen aýystyryldy.
Kókshetaý qalasyndaǵy «Bilim-Innovation» lıtseı-ınternatynda, daryndy balalarǵa arnalǵan №3 oblystyq mektep-ınternatynda jáne erekshe qajettilikteri bar balalarǵa arnalǵan №1 túzetý mektebinde de ǵımarattardy jańǵyrtý boıynsha qajetti jumystar júrgizildi. Nátıjesinde jylý men elektr energııasynyń shyǵyndaryn 10-12% únemdeý baıqalady.
Óz kezeginde Dúnıejúzilik banktiń Turaqty ókili Jan-Fransýa Marto jekelegen merdigerler men ákimdiktiń jumystardy qosymsha qarjylandyrý jónindegi jeke bastamasyn atap ótti. Birlesken kúsh-jigerdiń arqasynda ǵımarattar qazir energııa tıimdiliginiń barlyq talaptaryna jaýap beredi.
Sondaı-aq, sapar qorytyndysy boıynsha «Elektr energetıkasyn damytý jáne energııa únemdeý ınstıtýty» AQ Basqarma tóraǵasynyń orynbasary Serik Týrchekenov «Qazaqstanda energııa tıimdiligin arttyrý» jobasy energııa shyǵyndaryn únemdeýdi jáne energııa tıimdiligin arttyrý jónindegi sharalardyń qarjylyq ómirsheńdigin kórsetetinin atap ótti. Dúnıejúzilik banktiń qoldaýynyń arqasynda ár túrli aımaqtardaǵy 80 áleýmettik nysan jańǵyrtýdan sátti ótti.
«Qazaqstanda energııa tıimdiligin arttyrý» jobasy eki komponentten turady. Birinshiden bul memlekettik jáne áleýmettik mańyzy bar obektilerdiń energııa tıimdiligin arttyrýǵa baǵyttalǵan jumystar.
«Elektr energetıkasyn damytý jáne energııa únemdeý ınstıtýty» AQ mamandarynyń derekteri boıynsha, energııalyq tıimdi deńgeıine ótý múmkindigine mektepter, balabaqshalar men aýrýhanalar ıe boldy. Memlekettik mekemelerdi tańdaý konkýrstyq negizde júrgizildi.
