Dýbaıda jasandy ıntellektimen basqarylatyn relssiz tramvaı tanystyryldy

ASTANA. KAZINFORM – Dýbaı joldar jáne kólik basqarmasy ámirlikte ótken jahandyq tehnologııalyq kórmede jasandy ıntellekt júıesimen jabdyqtalǵan relssiz tramvaıdy tanystyrdy, dep habarlaıdy BELTA.

- Jańa kólik túri temirjol ınfraqurylymynsyz belgilengen baǵyttarmen avtonomdy túrde júre alady, - dep jazady Tabnak basylymy.

Mundaı tramvaıdy paıdalaný joldaǵy kólik keptelisin azaıtyp, qalalyq ómir sapasyn jaqsartýǵa múmkindik beredi.

Relssiz tramvaı – kórmede tanystyrylǵan zııatkerlik kóliktiń 11 jobasynyń biri. Bul ınnovatsııalar Dýbaıdyń qalalyq kólik salasynda ozyq tehnologııalardy damytýǵa degen umtylysyn kórsetedi.

Aıta keteıik, bıyl qarasha aıynda Dýbaı álemdegi eń bıik qonaqúıdi ashý arqyly taǵy bir álemdik rekord ornatpaq.