Dýbaıda «KAZAKHSTAN GREEN DAY» sharasyn ótkizýge daıyndyq júrip jatyr

NUR-SULTAN. QazAqparat - 2021 jyldyń 3 qazan kúni dúnıejúzilik «EKSPO-2020 Dýbaı» kórmesin ótkizý sheńberinde Qazaqstannyń ulttyq pavılonynda «Kazakhstan Green Day» atty iskerlik is-sharalar serııasy ótedi, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Sharaǵa Halyqaralyq jáne ulttyq sarapshylar, qorshaǵan ortany qorǵaý salasyndaǵy ýákiletti organ, bıznes-qoǵamdastyq jáne salalyq qaýymdastyq ókilderi qatysady. Sala mamandary óńirlik ekologııalyq táýekelderdi basqarý júıesin, eń ozyq qoljetimdi tehnologııalardy (OQT) engizý, sondaı-aq parnıktik gazdardy basqarýǵa qatysty birqatar máselelerdi talqylaıdy.

Shaqyrylǵan delegattardyń ishinde qorshaǵan ortany qorǵaý salasyndaǵy jetekshi uıymdardyń ókilderi, sonyń ishinde keshendi lastanýdyń aldyn alý jáne oǵan qarsy kúres jónindegi Eýropalyq Bıýro (European Integrated Pollution Prevention and Control Bureau), Reseı Federatsııasynyń eń ozyq qoljetimdi tehnologııalar bıýrosy, Eýropalyq Odaqtyń jobasy - Ortalyq Azııa: sý resýrstary, qorshaǵan orta jáne klımattyń ózgerý salasyndaǵy yntymaqtastyq (WECOOP), Ortalyq Azııanyń óńirlik ekologııalyq ortalyǵy (AETsTsA), Citepa aýany lastaý jónindegi Frantsýz tehnıkalyq ortalyǵy sııaqty iri uıymdar bas qosady.

Jasyl tehnologııalar transferi tetigi retinde «Jasyl kópir» áriptestik baǵdarlamasy men óńirlik ekologııalyq táýekelderdi basqarý júıesine basty nazar aýdaratyn bolady. Talqylaý barysynda Eýropalyq Odaq pen Reseı Federatsııasynyń eń úzdik qoljetimdi tehnologııalar (ÚQT) engizý boıynsha tájirıbesin talqylaý josparlanyp otyr.

Sonymen qatar, sarapshylar ÚQT Ortalyq Azııa bıýrosynyń damý perspektıvalaryn talqylaýǵa nıetti.

Úshinshi paneldik sessııa sheńberinde Qazaqstannyń tómen kómirtekti damý, QTQ qaıta óńdeý salasyndaǵy saıasaty jáne parnıktik gazdardy basqarý salasyndaǵy is-qımyldardyń ashyqtyǵyna qol jetkizý máseleleri kóteriledi.

Sarapshylardyń sońǵy kezdesýi ÚQT engizý jáne damytý máselelerine arnalady. Qazaqstannyń iri ónerkásiptik kompanııalary («KEGOC» AQ, «Samuryq-energo» AQ, ERG, «QazMunaıGaz «UK» AQ, «ArselorMıttal Temirtaý» AQ, Kazminerals, Kazakhmys) ókilderiniń qatysýy kútilýde.

Іs-sharanyń uıymdastyrýshysy Halyqaralyq jasyl tehnologııalar jáne ınvestıtsııalyq jobalar ortalyǵy. Ol ónerkásiptiń negizgi salalarynda ÚQT anyqtamalaryn ázirleýdi júzege asyrady.

Іs-shara oflaın jáne onlaın formatta ZOOM platformasynda ótedi.