Dopty hokkeı: «Aqjaıyq» óz tobynda jeke-dara kósh bastady

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta «Aqjaıyq» Qazanda «Ak Bars-Dınamo-2» komandasymen ekinshi kezdesýin ótkizdi. 

Birinshi taımda «Aqjaıyq» sapynan Maksım Pahomov pen Nurbol Bókeshov qarsylas qaqpasyna qos shaıbadan salyp, esepti 4:1-ge jetkizdi. Qazandyq klýbtan Egor Jýkov jalǵyz shaıbamen jaýap qatty. 

Ekinshi kezeńde Nıkolaı Shavaldınniń shákirtteri qarqyndy tipti kúsheıte tústi. M.Pahomov taǵy eki goldy enshisine jazsa, komanda kapıtany Maksım Ótebalıev te nysanany dál kózdep, bir shaıbanyń avtory atandy. Taǵy bir reseılik Artem Lapshın qarsylas qaqpasyna eki dop engizdi. Match sońynda qazandyqtardan Danııl Pımıahın bir shaıbamen jaýap qatty. Osylaısha 9:2 esebimen qarsylasyn tas-talqan etip jeńgen «Aqjaıyq» upaı sanyn 30-ǵa jetkizip, ekinshi topta jeke-dara kósh bastady.

Batysqazaqstandyq klýb kelesi oıynyn 26-27 qańtarda Ýlıanovsk qalasynda «Volga-Cheremshanmen» ótkizedi. 

Eske sala keteıik, budan buryn «Aqjaıyqtyń» qatarynan besinshi jeńisine qol jetkizgenin jazǵan bolatynbyz.