Dopty hokkeı: «Aqjaıyq» kósh basyndaǵy komandany iri eseppen jeńdi

Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» «Jastar» stadıonynda «Znamıa-Ýdmýrtııa» (Votkınsk) komandasyn qabyldady, dep habarlaıdy Kazinform.

Munyń aldynda oraldyq maman Nıkolaı Shavaldınniń shákirtteri syrt aıdynda osy komandadan eki ret jeńilis tapqan edi.

«Znamıa-Ýdmýrtııa» 17 upaımen ekinshi topta kósh bastasa, «Aqjaıyq» besinshi orynda edi.

Bul joly batysqazaqstandyqtar birden oıyn tizginin qolyna alyp, azýly qarsylasyn 8:1 esebimen oısyrata jeńdi. Oraldyqtar sapynda reseılik surmergen Maksım Pahomov alty doptyń avtory atansa, komanda kapıtany Maksım Ótebalıev «Znamıa-Ýdmýrtııa» qaqpasyna taǵy eki shaıba engizdi. Qonaqtardan Sergeı Kılchıchakov bir ǵana doppen jaýap qaıyrdy.

Erteń qos klýb ekinshi kezdesýin ótkizedi.

Eske sala keteıik, budan buryn «Aqjaıyqtyń» syrt aıdynda taǵy da jeńilip qalǵanyn jazǵan bolatynbyz.