Dopty hokkeı: «Aqjaıyq» qatarynan besinshi jeńisine qol jetkizdi

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» qatarynan besinshi jeńisine qol jetkizdi.

Nıkolaı Shavaldın jattyqtyratyn komandanyń sportshylary bul joly Qazanda jergilikti «Ak Bars-Dınamo-2» komandasymen kim myqtyny anyqtady. 

Birinshi taımda qazandyq bendı sheberleri 3:2 esebimen alda turdy. Esesine ekinshi kezeńde oraldyqtar jaýapsyz tórt gol soqty. Osylaısha «Aqjaıyq» 7:3  esebimen alań ıelerinen basym tústi. 

Batysqazaqstandyqtardan komanda kapıtany Maksım Ótebalıev poker jasasa, reseılik surmergen Maksım Pahomov 2, Qýanysh Temirálın 1 ret nysanany dál kózdedi. 

Erteń qos klýb ekinshi kezdesýin ótkizedi. Qazirgi kezde oraldyqtar 27 upaımen ekinshi topta 2-orynda tur. 

Eske sala keteıik, budan buryn dopty hokkeıden «Aqjaıyqtyń» óz tobynda ekinshi orynǵa kóterilgenin jazǵan bolatynbyz.