Dopıng-synaq: Baýyrjan Islamhannyń qanynan tyıym salynǵan preparat tabyldy
NUR-SULTAN. QazAqparat – Fýtboldan Qazaqstan quramasynyń kapıtany Baýyrjan Islamhan Ulttar lıgasy oıyndaryna qatyspaıdy, dep habarlaıdy QazAqparat tilshisi.
Qazaqstannyń fýtbol federatsııasy taratqan málimetke sáıkes, ulttyq quramanyń birneshe negizgi oı̆ynshysy aldaǵy matchtarǵa qatysa almaı̆dy. Olardyń qatarynda Baýyrjan Islamhan da bar.
«Jaraqattaryna baı̆lanysty jartylaı̆ qorǵaýshylar Baktıër Zaı̆nýtdınov, Serikjan Mýjıkov, Dýman Nárzildaev, sonymen qatar ortalyq qorǵaýshy Sergeı̆ Malyı̆ ulttyq quramanyń qataryna kele almady. Densaýlyqtaryna baı̆lanysty aldaǵy oı̆yndarǵa qorǵaýshy Temirlan Erlanov pen jartylaı̆ qorǵaýshy Ashat Taǵybergen qatyspaýy múmkin. Qazaqstan quramasynyń kapıtany Baýyrjan Islamhan da kómekke kele almaı̆dy. Azııa Chempıondar Lıgasynyń oı̆ynynan keı̆in fýtbolshynyń tapsyrǵan dopıng-synaǵynan tyı̆ym salynǵan preparat tabylǵan. Ol ýaqytsha resmı oı̆yndarǵa qatyspaı̆dy» delingen Qazaqstan fýtbol federatsııasynyń habarlamasynda.
Ulttar lıgasy kezdesýine Belarýs eliniń «Rýh» komandasynda oınaıtyn jartylaı̆ qorǵaýshy Vladıslav Vasılev te qatyspaıtyn boldy. Fýtbolshynyń Covid-19 tapsyrǵan synaǵy oń nátıje kórsetken.
Bas bapker qosalqy tizimnen ortalyq alańda oı̆naı̆tyn jartylaı̆ qorǵaýshylar Aslan Darabaev pen ıÝrıı̆ Pertsýh, shabýylshy Toqtar Jańǵylyshbaı̆dy shaqyrtty.
