Donald Tramp Nıgerııany alańdaýshylyq týdyratyn el dep atady

ASTANA. KAZINFORM – AQSh prezıdenti Donald Tramp Nıgerııada hrıstıan dinine qaýip tónip turǵanyn málimdedi. Sol sebepti ol Nıgerııany «alańdaýshylyq týdyratyn el» dep atady.

Tramp Truth Social áleýmettik jelisine osyndaı post jarııalady.

-Hrıstıan dini ekzıstentsıaldy qaýippen betpe-bet kelip otyr. Radıkaldy ıslam ókilderi adamdardy japaı qyryp-joıý áreketine jaýapty. Osy sebepti Nıgerııany «erekshe alańdaýshylyq týdyratyn el» dep málimdeımin, - dep jazdy ol.

Onyń sózinshe, Nıgerııada 3 myńnan astam hrıstıan óltirilgen, sol sebepti qazir shuǵyl sharalar qoldaný qajet.

Tramp kongressmender Raılı Mýr, Tom Koýl men Ókilder palatasynyń qarjy bólý komıtetine jedel túrde osy máselemen aınalysýdy tapsyrdy.

- Nıgerııa men ózge de elderde aıýandyqtar jasalyp jatqanda Qurama Shtattar olardan tys qala almaıdy. Biz hrıstıan qoǵamdastyǵyn búkil álem boıynsha qorǵaı alamyz, biz oǵan daıynbyz jáne solaı istegimiz keledi, - dedi ol.

Osyǵan deıin Nıgerııada aýyldarǵa qarýly shabýyldar kezinde 13 adam qaza tapqany týraly jazdyq.