Reseıde Tobyl ózeniniń deńgeıi 11 metrge deıin kóterilýi múmkin

ASTANA. KAZINFORM — Reseı Federatsııasy Qorǵan oblysynyń gýbernatory Vadım Shýmkov Tobyl ózenindegi sý deńgeıi 11 metrge deıin kóterilýi múmkin ekenin aıtty, dep habarlady TASS. 

Bir túnde Qorǵandaǵy baqylaý-ólsheý stansasyndaǵy Tobyl ózeniniń sý deńgeıi 24 sm-ge artyp, 970 sm-ge jetti, dep habarlady jergilikti bılik.

RF Qorǵan oblysy Tobyl ózenindegi sýdyń kóterilýine baılanysty 669 turǵyn úı men 2376 saıajaıdy sý basyp, 25 eldi meken elektr qýatynsyz qaldy. Bılik Tobyl mańyndaǵy barlyq eldi mekenderdiń turǵyndaryn, sonyń ishinde oblystyń ákimshilik ortalyǵy Qorǵan qalasyn da kóshirýge shaqyrdy.

Oblys gýbernatory Vadım Shýmkov aımaqta «qıyn jaǵdaı» boljanatynyn atap ótti.

Buǵan deıin habarlaǵanymyzdaı, Esil ózenindegi sý deńgeıiniń qarqyndy kóterilýine baılanysty Reseıdiń Túmen oblysynda da kúrdeli jaǵdaı qalyptasty.