Dohada Qazaqstan-Katar iskerlik keńesiniń otyrysy ótedi

NUR-SULTAN. QazAqparat - Qazaqstannyń Elshisi Arman Isaǵalıev Qazaqstan-Qatar iskerlik keńesiniń teń tóraǵasy bolyp tabylatyn Qatar Saýda-ónerkásiptik palatasynyń birinshi orynbasary Muhammed bın Taýar Ál-Kaýarımen kezdesti, dep habarlaıdy QazAqparat.

QR Syrtqy ister mınıstrliginiń baspasóz qyzmeti taratqan aqparatqa qaraǵanda, kezdesý barysynda eki el arasyndaǵy saýda-ekonomıkalyq jáne ınvestıtsııalyq baılanystardy odan ári nyǵaıtý joldary talqylandy.

Bul rette taraptar Qazaqstan men Qatar iskerlik toptary arasynda aýqymdy ózara is-qımyldarynyń lokomotıvi retinde 2017 jyly qurylǵan Іskerlik keńestiń áleýetin paıdalanýdyń mańyzdylyǵyn atap ótti.

Osyǵan oraı aǵymdaǵy jyldyń 22-23 tamyzynda Dohada ekijaqty yntymaqtastyqtyń bolashaǵy zor baǵyttaryn talqylaý maqsatynda Іskerlik keńestiń otyrysyn ótkizý týraly kelisimge qol jetkizildi.

1963 jyly qurylǵan Qatar Saýda-ónerkásip palatasy Shyǵanaq elderiniń eń kóne saýda palatalarynyń biri. Onyń 75 myńnan astam múshesi tirkelgen. Bul qurylymnyń negizgi jumysy ulttyq, aımaqtyq jáne halyqaralyq deńgeıde bıznesti damytýǵa, sondaı-aq jekemenshik sektordyń kommertsııalyq, óndiristik jáne basqa múddelerin qorǵaýǵa baǵyttalǵan.