DNQ-kod kómegimen 2016 jyly Astanada zeınetkerdi óltirgen qylmysker ustaldy

ASTANA. KAZINFORM – Ótken jyldardaǵy qylmystardy ashý máselesi Іshki ister mınıstrliginde erekshe baqylaýda, - dep jazdy Polisia.kz.

2016 jyly Astana qalasynda asa aýyr qylmys jasalyp, 80 jastaǵy áıeldi óltirý deregi tirkelgen. Qylmysker zeınetkerdiń úıine kirip, oǵan zorlyq-zombylyq kórsetken. Ony soqqyǵa jyqqan jáne jasaǵan qylmys izin jasyrý úshin oqıǵa ornynan boı tasalaǵan.

Qylmys ornyn qaraý kezinde krımınalıster kózge nashar kórnetin bıologııalyq izderdi tapty. Sol izderden DNQ-kod alyndy. Alaıda toǵyz jyl boıy qylmys ashylmaı keldi. Qylmysker ádildik pen jazadan qashyp júrdi.

- Іshki ister mınıstrliginiń molekýlıarlyq-genetıkalyq zerthanasynda bar zamanaýı tehnologııalarmen DNQ-derekqory arqasynda sáıkestik anyqtaldy. Osylaısha 65 jastaǵy kúdiktiniń jeke basy anyqtaldy. Er adam ustalyp, ýaqytsha ustaý ızolıatoryna qamaldy. Qylmys jasaǵanyn moıyndady. Mınıstrlik ótken jyldardaǵy aýyr jáne asa aýyr qylmystardy ashý jumysyn jalǵastyrady. Krımınalıstıkalyq quraldar qylmyskerdi qylmys jasalǵan ýaqyttan qansha jyl ótse de, dál anyqtaýǵa múmkindik beredi. Osy mysal jazadan qashý múmkin emes ekenin kórsetedi, - dedi ІІM Jedel-krımınalıstıkalyq departamentiniń bas krımınalısi Aınur Sársebaeva.

Buǵan deıin arǵy tegin tekserip, DNQ test jasatý nege sánge aınalǵanyn jazǵan bolatynbyz.