Dmıtrıı Popko Meksıkadaǵy týrnırdiń ekinshi aınalymyna ótti

ORAL. KAZINFORM – Qazaqstandyq tennısshi, álemniń 245-raketkasy Dmıtrıı Popko Merıda (Meksıka) chellendjer jarysyn senimdi jeńispen bastady.

Qazaqstandyq sportshy alǵashqy aınalymda dúnıejúzilik reıtıngide 254-orynda turǵan ekvadorlyq Andres Andradeniń mysyn basty – 6:3, 6:4.

Bir saǵat 15 mınýtqa sozylǵan báseke barysynda Popko 4 eıspen birge 10 breık-poınttyń úsheýin paıdalandy. Andrade 2 eıs, 1 breıkpen (3 breık-poınt) shekteldi.

Dmıtrıı Popko shırek fınalǵa shyǵý úshin álemniń 302-raketkasy, bolıvııalyq Hýan Karlos Prado Anhelo nemese reıtıngide 785-satydaǵy kanadalyq Den Martınniń qaı jeńgenimen talasady.

Merıda dodasynyń júlde qory 100 myń AQSh dollaryna baǵalanǵan. Jarys jeńimpazy 14,2 myń dollar tabys taýyp, 75 reıtıngilik upaıǵa ıe bolady.

Qazaqstannyń ekinshi, álemniń 98-raketkasy Aleksandr Shevchenko Maıamı (AQSh) masters týrnırinde irikteý saıysynyń fınalynda reıtıngide 117-oryndaǵy argentınalyq Tıago Agýstın Tırantege jol berdi – 3:6, 3:6. Sóıtip ol negizgi jarystan tys qaldy.

Eske sala keteıik, budan buryn Aleksandr Shevchenkonyń Maıamı masters týrnırin sátti bastaǵanyn jazǵan edik.