Dmıtrıı Popko Italııadaǵy týrnırde jergilikti tennısshini utty

ASTANA. KAZINFORM — Qazaqstandyq tennısshi, álemniń 237-raketkasy Dmıtrıı Popko Genýıa (Italııa) chellendjer týrnıriniń ekinshi aınalymyna shyqty. 

Qazaqstandyq sportshy alǵashqy aınalymda dúnıejúzilik reıtıngide 279-orynda turǵan kort ıesi Marko Chekkınatonyń mysyn basty.

Budan buryn Dmıtrıı Popko qarsylasyn bir ret jeńgen edi.

Bul joly 1 saǵat 21 mınýtqa sozylǵan kezdesý 6:4, 6:2 esebimen Popkonyń paıdasyna sheshildi. Osy merzimde ol 2 eıspen birge 9 breık-poınttyń úsheýin óz esebine jazdy. Chekkınato 2 eıs jasaǵanymen, 3 breık-poınttan eshteńe shyǵara alǵan joq.

Dmıtrıı Popko shırek fınalǵa shyǵý úshin ıtalııalyqtar, álemniń 34-inshi, osy jarystyń 1-raketkasy Lýchano Darderı — Federıko Arnaboldıdiń qaı jeńgenimen sheberlik talastyrady.

Eske sala keteıik, budan buryn Jibek Qulambaevanyń bir kúnde eki matchty jeńispen túıindegenin jazǵan edik. 

Sondaı-aq tennısten Devıs kýbogynda Koreıamen matchta Qazaqstan namysyn kimder qorǵaıtyny habarlandy.

Qazaqstan quramasy sapynda Dmıtrıı Popko da bar.