Dınara Şeglova QR Ǵylym jáne joǵary bilim vıtse-mınıstri boldy

Qazaqstan Respýblıkasy Úkimetiniń qaýlysymen Dınara Rınatqyzy Şeglova Ǵylym jáne joǵary bilim vıtse-mınıstri qyzmetine taǵaıyndaldy. Kazinform bul týraly Úkimettiń baspasóz qyzmetine silteme jasap habarlaıdy.

Dınara Şeglova 1982 jyly Semeı qalasynda týǵan.

L.N. Gýmılev atyndaǵy Eýrazııa ulttyq ýnıversıtetin, T. Rysqulov atyndaǵy Qazaq ekonomıkalyq ýnıversıtetin, Qazaq ekonomıka, qarjy jáne halyqaralyq saýda ýnıversıtetin bitirgen.

2004-2006 jyldary – QR Aqparattandyrý jáne baılanys jónindegi agenttigi bóliminde bas maman.

Ár jyldary kommertsııalyq qurylymdarda eńbek etti.

2011-2018 jyldary – «Zerde» ulttyq ınfokommýnıkatsııalyq holdıngi» AQ-da bas menedjer, departament dırektory, basqarýshy dırektor, tóraǵa keńesshisi, basqarma tóraǵasynyń orynbasary.

2018-2019 jyldary – QR Aqparat jáne kommýnıkatsııalar vıtse-mınıstri.

2019-2020 jyldary – QR Premer-Mınıstriniń keńesshisi.

2020 jyldan bastap qazirgi ýaqytqa deıin – QR Indýstrııa jáne ınfraqurylymdyq damý vıtse-mınıstri.