Dıqandar satyp alǵan tyńaıtqysh qunynyń 50 paıyzyn memleket óteıdi
«Búgingi tańda tyńaıtqysh jetkizýge kelisimshart 290 myń tonna kóleminde jasaldy. Búkil óńirlerde mıneraldy tyńaıtqyshtardy jóneltilip jatyr. Agrarshylarǵa shamamen 149 myń tonna, onyń ishinde ońtústik óńirlerge 51,3 myń tonna tyńaıtqysh tıeldi. Qoımalardaǵy qor, sonyń ishinde ımporttyq tyńaıtqyshtar qory qalyptasty», - dedi mınıstr ortalyq kommýnıkatsııalar qyzmetindegi baspasóz máslıhatynda.
Osy rette ol fermerler tyńaıtqyshtardyń, onyń ishinde otandyq tyńaıtqyshtardyń qymbattyǵy máselesin kótergenin atap ótti.
«Úkimetpen tıisti jumys júrgizildi. Mıneraldyq tyńaıtqyshtardyń iri óndirýshisi QazAzot kompanııasy óndiriletin ammıak selıtrasynyń qunyn tonnasyna 200 myń teńgeden 160 myń teńgege deıin tómendetý týraly sheshim qabyldady. Ol sheshim 16 naýryzdan bastap kúshine endi. Búgingi tańda agrarshylarmen jańa baǵa boıynsha kelisimshart jasalyp jatyr. Bul rette ákimdikter tarapynan sýbsıdııaǵa 27 mlrd teńge qarastyrylǵanyn atap ótý qajet. ıAǵnı, satyp alynǵan tyńaıtqysh qunynyń 50 paıyzyn memleket óteıdi», - dedi Erbol Qarashókeev.
Onyń aıtýynsha, pestıtsıdterdiń de baǵasy ósti. 2020 jyly pestıtsıd baǵasy kóktemde 70 paıyz, al kúzde 2 ese qymbattaǵan.
«2022 jylǵa arnalǵan pestıtsıdterdi sýbsıdııalaý baǵdarlamasyna 29,7 mlrd teńge kózdelgen. Bul egis alańyn 100 paıyz óńdeýdi qamtamasyz etýge jáne sol arqyly qolaıly fıtosanıtarııalyq jaǵdaıdy saqtaýǵa múmkindik beredi», - dedi ol.