Dıdar Smaǵulov túlekter UBT tapsyratyn kúnin qalaı bile alatynyn túsindirdi
«Túlekter ótinishterdi onlaın tártipte berdi. Testini qaı kúni tapsyratyny týraly aqparatty onlaın alýǵa bolady. Atap aıtqanda, onlaın rejımde tirkelgen balalardyń Ulttyq testileý ortalyǵy saıtynda jeke kabıneti bar. Sol saıtqa kirip, logın men qupııa sózdi engizip, test tapsyratyn kúndi anyqtaýǵa bolady»,- dedi D. Smaǵulov Ortalyq kommýnıkatsııalar qyzmetinde.
Sonymen qatar ol arnaıy messendjer arqyly JSN-di terip, UBT tapsyrý kúnin naqtylaý múmkindigi bar ekenin aıtty.
«Barlyq qajetti aqparatty balalarǵa jetkizdik deýge bolady. Áleýmettik jelilerde barsha aqparat tolyq kórsetilgen. Eger de qosymsha suraqtar bolsa, olar maǵan tikeleı Instagram arqyly baılanysqa shyǵa alady. Men mindetti túrde jaýap beremin»,- dedi Dıdar Smaǵulov.
Budan buryn habarlanǵandaı, Ulttyq testileý ortalyǵynyń dırektory bıylǵy UBT-ny ótkizý tártibi jaıynda túsinik berdi.
Bıyl Ulttyq biryńǵaı testileý 20 maýsym men 5 shilde aralyǵynda ótedi.
