Depýtattar Úkimetke BJZQ qyzmetine baılanysty saýal joldady

ASTANA. QazAqparat - Búgin Parlament Májilisiniń jalpy otyrysynda bir top halyq qalaýlylary atynan depýtat Maıra Aısına Biryńǵaı jınaqtaýshy zeınetaqy qorynyń qyzmetine baılanysty Úkimet pen Ulttyq bankke saýal joldady, dep habarlaıdy QazAqparat.

«Óńirlerge saparlar kezinde azamattardy alańdatatyn problemalardyń biri zeınetaqy jınaqtaryna baılanysty boldy. Jalpy, adamdardar Biryńǵaı jınaqtaýshy zeınetaqy qorynyń qarjyǵa kepildik berýine jáne onyń qyzmetine qatysty máseleni kóterip otyr»,-dep toqtaldy depýtat Aısına.

Osy oraıda ol jaqynda QR Investıtsııalar jáne damý vıtse-mınıstri Albert Raý aǵymdaǵy jyly ekonomıkanyń bólek sektorlaryn qoldaýǵa (temir jol salasy) BJZQ-dan qarjy resýrstary bólinetindigin habarlaǵanyn eske salyp ótti.

«Bul rette Úkimet pen Ulttyq bankten 2014 jyldan qazirgi ýaqytqa deıin BJZQ qarjysyna qandaı qarjylyq tetikter ınvestıtsııalanǵany týraly, qaı merzimge jáne qandaı qaıtarý merzimimen jasalǵany jaıynda aqparat usynýdy suraımyz»,-dedi Aısına birqatar depýtattardyń saýalyn oqyp berý kezinde.

Esterińizge sala keteıik, Biryńǵaı jınaqtaýshy zeınetaqy qorynyń janyndaǵy qoǵamdyq keńes «BJZQ-nan temirjol salasyn sýbsıdııalaý úshin 50 mlrd teńge kóleminde qarjy alynady» degen aqparatty tekserip jatqandyǵyn Dosym Satpaev habarlaǵan edi.
«BJZQ-nan temirjol salasyn sýbsıdııalaý úshin 50 mlrd teńge qarjy alynady degen aqparat tarady. Sondyqtan, BJZQ janyndaǵy qoǵamdyq keńes Ulttyq bank pen BJZQ-na salymshylardyń múddesine qarsy sheshim týraly arnaıy saýal daıyndap jatyr», - dep jazdy Satpaev.

Buryn habarlanǵandaı, Dosym Satpaev BJZQ janyndaǵy qoǵamdyq keńestik tóraǵasy bolyp taǵaıyndalǵan