Depýtattar Semeı ıadrolyq qaýipsizdik aımaǵy týraly qujatty talqylaıdy

NUR-SULTAN. QazAqparat – Parlament Májilisi «Semeı ıadrolyq qaýipsizdik aımaǵy týraly» zań jobasyn talqylaýdy bastaıdy, dep habarlaıdy QazAqparat tilshisi.

«Bul zań jobasy burynǵy synaq polıgony men oǵan irgeles aýmaqtarda radıatsııalyq ári ekologııalyq qaýipsizdiktiń tıisti deńgeıin qamtamasyz etý, sondaı-aq olardy paıdalaný máselesinde memlekettik qadaǵalaýdy kúsheıtý maqsatynda ázirlendi», - Májilistiń Ekologııa máseleleri jáne tabıǵat paıdalaný komıtetiniń tóraǵasy Aleksandr Mılıýtın palatanyń jalpy otyrysynda.

Osy maqsatty júzege asyrý úshin zań jobasynda mynalar eskerilgen:

- Semeı ıadrolyq qaýipsizdik aımaǵyn qurý;

- atalǵan aımaqta qyzmettiń negizgi túrlerin iske asyrý boıynsha tıisti fýnktsııalardy júkteı otyryp, Semeı ıadrolyq qaýipsizdik aımaǵy operatoryn aıqyndaý;

- Semeı ıadrolyq qaýipsizdik aımaǵy jerlerin operatordyń paıdalanýyna berý.

«Komıtet atalǵan zań jobasy boıynsha qorytyndy daıarlaýǵa ázir», - dedi depýtat.

Sonymen qatar Májilis depýtattary aldaǵy ýaqytta «Qazaqstan Respýblıkasynyń keıbir zańnamalyq aktilerine Semeı ıadrolyq qaýipsizdik aımaǵy máseleleri boıynsha ózgerister men tolyqtyrýlar engizý týraly» ilespe zań jobasyn da talqylaıtyn bolady.