Depýtattar eń tómengi jalaqynyń mólsherin kóterýdi usyndy

ASTANA. KAZINFORM — Búgin Májilistiń jalpy otyrysynda «2026 — 2028 jyldarǵa arnalǵan respýblıkalyq bıýdjet týraly» zań jobasy qaralyp jatyr. Osy oraıda palatanyń Qarjy jáne bıýdjet komıtetiniń qorytyndysynda eń tómengi jalaqynyń mólsherin kóterý usynylǵan. 

— Halyqaralyq eńbek uıymynyń usynymdaryn eskere otyryp ázirlengen eń tómen jalaqyny aıqyndaýdyń jańa ádistemesin qabyldaýǵa baılanysty (Májilistiń) Áleýmettik-mádenı damý komıteti eń tómen jalaqynyń mólsherin 85 000 teńgeden 110 000 teńgege deıin ulǵaıtý jaǵyna qaraı qaıta qaraý qajet dep esepteıdi, — delingen Májilis komıtetiniń aqparatynda.

Buǵan deıin habarlanǵandaı, bir mıllıonnan astam qazaqstandyq eń tómengi nemese odan da tómen jalaqy alady.

Aıta keteıik, jaqynda Senat «Damýshy elderdi erekshe eskere otyryp, eń tómen jalaqyny belgileý týraly konventsııany (131-konventsııa) ratıfıkatsııalaý týraly» zańyn maquldandy.