Depýtattar el óńirlerin aralaýda

ASTANA. QazAqparat - Parlament Májilis Tóraǵa­sy­nyń orynbasary, «Nur Otan» partııa­sy fraktsııasynyń jetek­shisi G.Isımbaeva bastaǵan Májilis depý­tat­tary Almaty qa­la­synda Ýnıver­sıada - 2017-ge arnap salynyp jatqan nysandardy aralady.

Depýtattar G.Isımbaeva, Z.Amanjolova, O.Shıshıgına, A.Platonov aldymen 12 myń adamdyq Muz arenasynda boldy. Bul muz jamylǵylardy voleıbolǵa, basketbolǵa, shaǵyn fýtbol men basqa da sport oıyndaryna arnalǵan alańdarǵa aınaldyrý múmkindigi berile otyryp jobalanǵan kópfýnktsıonaldy ámbebap keshen.

Qurylysta jaryqpen jáne dybyspen jaraqtandyrýdyń jáne sýdıalyqty tehnıkalyq jaǵynan qamtamasyz etýdiń eń jańa tehnologııalary qoldanylǵan. Muz arenasy eń zamanaýı sport jabdyǵymen jáne múkámalymen jaraqtandyrylatyn bolady.

Halyq qalaýlylarynyń búkil­álemdik qysqy stýdenttik jarys­tardy uıymdastyrýshylarmen bolǵan áńgimesinde salynyp jatqan osy nysandardy oıyndar ótkizilgennen keıin paıdalaný, olardyń halyqqa, onyń ishinde múmkindigi shekteýli adamdarǵa tehnıkalyq jaǵynan qoljetimdi bolýy jóninde máseleler qozǵaldy.

Ýnıversıada-2017-ni daıyndaý jáne ótkizý jónindegi dırektsııanyń basshysy Naıl Nýrovtyń aıtýynsha, sport kesheniniń ınfra­qurylymy halyqaralyq deńgeıde jarystar ótkizýge múmkindik beredi. Ol Almaty qalasynyń turǵyndary men meımandary úshin jyl boıy sportpen aınalysýǵa jáne oıyn-saýyq is-sharalaryn ótkizýge arnal­ǵan ortalyqqa aınalady. «Áıteýir, bizdiń balalarymyzǵa zamanaýı bir nárse qalatyn boldy. Endi mánerlep syrǵanaýdy, júzý men basqa da sport túrlerin damytýǵa bolady. Biz Qazaqstannyń aýmaǵynda da laıyq­ty sport­shylar tárbıeleı alatyn bolamyz», - dedi Olga Shıshıgına.

Sol kúni parlamentshiler «Rahat» kondıterlik fabrıkasynyń ujymymen de kezdesti. Onda «100 naqty qadam» Ult Josparyn, Prezı­dent Joldaýynyń negizgi baǵy­t­taryn, sondaı-aq, «Nur Otan» par­tııasynyń saılaýaldy tuǵyrna­masyn oryndaý jóninde sóz boldy.

«Nur Otan» partııasynyń saı­laýaldy baǵdarlamasynda belgi­lengen bıik maqsattarǵa jetý úshin barlyq jerde kásipkerlerdiń jumysyna barynsha qolaıly jaǵdaılar jasalýǵa tıis. Bul iste sońǵy jyldary óńirlerde bılik qurylymdary bızneske qoldaý kórsetip, onyń tilegine qulaq asyp otyr. «Rahat» fabrıkasy halyqtyń ekonomıkalyq jáne áleýmettik kóńil-kúıiniń ózindik barometri bola alady. Eger ónim suranysqa ıe bolyp, adamdar ony satyp alyp jatsa, demek, olardyń táttiden dám tatýǵa múmkindigi bar degen sóz, bul jahandyq daǵdarysqa qaramastan, halyq pen eldiń ekonomıkalyq jaı-kúıiniń turaqty ekenin bildiredi», - dep atap ótti G.Isımbaeva.

Budan soń depýtattar Qazaq­standa dıabetten zardap shegetin adamdar úshin arnaıy ónim shyǵa­rýdy ıgergen birden-bir kondı­terlik kásiporyn bolyp tabylatyn «Rahattyń» óndiristik tsehtarynda boldy. Bul assortımentke kalorııasy azaıtylǵan jáne quramyndaǵy qant onymen teńdes tabıǵı shıkizatpen almastyrylǵan birneshe shokolad, kámpıt, pechene men vaflı ataýy kiredi.

Parlament Májilisiniń depýtattary, «Nur Otan» partııasy fraktsııasynyń músheleri G.Şegelskıı men S.Sımonov Aqtóbe oblysyndaǵy sapary barysynda Qarǵaly aýdanyndaǵy «Nurly jol» ınfraqurylymdy damytý memlekettik baǵdarlamasynyń nysandarynda boldy.

Halyq qalaýlylary Badamsha aýylyndaǵy kúrdeli jóndeý­den ótkizilip jatqan jylý júıesi­niń jumys qarqynymen tanys­ty, sonymen qatar, Qosestek eldi mekeniniń turǵyndarymen kezdesýler ótkizdi. Depýtattar Má­ji­liste qabyldanatyn mańyzdy zań jobalary týraly aıtyp, turǵyndardyń suraqtaryna jaýap berdi.Sonymen qatar, «Nur Otan» partııasynyń saılaýaldy baǵdarlamasynyń negizgi baǵyt­taryn, «100 naqty qadam» Ult Josparynyń oryndalý barysyn talqylady.

Májilis depýtaty Z.Balıeva Almaty oblysyna jasaǵan saparynda «Kerýen+» plastmassa buıymdaryn óndirý zaýytynda bolyp, mektepter qurylysynyń barysymen tanysty, sondaı-aq, balalardyń jazǵy demalys lagerlerine de atbasyn burdy.

Ol kásiporyn shyǵaratyn ba­la­­lar­ǵa arnalǵan taýarlardyń qaýip­sizdigine erekshe nazar aýdardy jáne qury­lys alańdarynda «Nurly jol» baǵdarlamasy aıasynda salynyp jat­qan, jóndeý ju­mystary júrgizilip jatqan mek­tepterdiń sapasy men olardy ýaqtyly paıdalanýǵa berý máse­le­lerine qyzyǵýshylyq tanyt­­ty. Májilis depýtaty balalardyń jaz­ǵy demalys lagerlerinde bo­­lyp, ondaǵy demalystyń jaqsy uıym­das­­tyrylyp jatqanyn atap ótti.

Májilis depýtaty J.Dúısebaev Aqmola oblysynda Bulandy aýda­ny­nyń agrarshylarymen kezdesti.

Kapıtonovka aýyldyq okrýgin­de ornalasqan «Jýravlevka-1» JShS-da ótken kezdesýde zań­na­maǵa daıyndalyp jatqan ózgeris­ter, sondaı-aq, jergilikti ózin ózi basqarý organdary tóńireginde áńgime qozǵaldy. Aýyl turǵyn­dary­­nyń alańdaýshylyǵyn týǵyza­tyn ózekti máselelerdiń biri - jaıy­l­ym­­dardyń tapshylyǵy. Depýtat atap ótkendeı, qazirgi ýaqyt­ta jaıy­lymdar týraly jańa zań jobasy jumysqa alyndy, onyń qabyl­danýy osy problemany sheshýge múmkindik beredi. Jergilikti ózin ózi bas­­qarý organdary jaıly aıta kelip, J.Dúısebaev 2018 jyldan bastap zań­namadaǵy ózgeristerge baılanys­ty olardyń óz bıýdjetteri bolaty­­nyn jáne ony qajettilikterge qaraı óz betinshe bóletinderin habarlady.

Tústen keıin depýtat «Nur Otan» partııasy fılıalynyń qoǵam­­­dyq qabyldaý bólmesinde aza­­mat­tardy jeke máseleleri boıynsha qabyldady.

Senat depýtaty Jabal Erǵalıev «Qazaqstan» teleradıokor­poratsııasynyń Aqmola oblystyq bólimindegi «Ózekti áńgime» baǵdarlamasyna qatysty. Habar barysynda senator VI shaqyrylǵan Parlamenttiń joǵarǵy palatasynyń birinshi sessııasynyń qorytyndysy jaıynda aıta kelip, Senatta atqarylǵan aýqymdy jumystarǵa toqtaldy. Onyń aıtýynsha, Elbasy N.Á.Nazarbaevtyń strategııalyq reformalary men «100 naqty qadam» Ult Josparynyń oryndalýyn qamtamasyz etý úshin qajetti zańdar ýaqytynda qabyldandy. Senat depýtattary Májilistiń jańa quramy iske kiriskenshe elimizdiń áleýmettik-ekonomıkalyq damýyn qamtamasyz etýge qajetti 57 zań, al Parlament jyl basynan beri 73 zań qabyldady.

Joǵarǵy palatanyń uıymdas­tyrýymen Astanada «Dinder terrorızmge qarsy» atty halyqaralyq konferentsııa ótti. Álemniń 41 memleketinen kelgen 200-den astam delegat ıadrolyq qarýdy taratpaý jáne qarýsyzdaný, terrorızm­ge qarsy kúresti óristetýdegi Qazaq­stannyń jáne Elbasy Nursultan Nazarbaevtyń aıryqsha rólin joǵary baǵalady. Qazaqstan Prezı­denti­niń «Álem. XXI ǵasyr» manı­fesi­niń tarıhı mańyzy atap ótildi.

- Qazaqstannyń Birikken Ulttar Uıymy Bas Assambleıasynyń Qaýip­sizdik Keńesiniń turaqty emes múshesi bolyp saılanýy Elbasynyń uzaq jyl­dardan beri júrgizip kele jatqan kemel saıasatynyń jemisi, Prezı­dentimiz Nursultan Nazarbaev­tyń jeńisi, - dep atap ótti senator.

Telehabar barysynda J.Er­ǵalıev telekórermenderdiń jer men tilge, óńirdiń áleýmettik-eko­no­mıkalyq salasyna qatysty suraq­taryna jaýap qaıtardy.