«Depýtattar dabyl qaqty. Biraq...» - baspasózge sholý

ASTANA. QazAqparat - «QazAqparat» halyqaralyq agenttigi Qazaqstannyń respýblıkalyq basylymdarynda 25 sáýir, juma kúni jaryq kórgen ózekti maqalalarǵa sholýdy usynady.

*** "Egemen Qazaqstan" gazetinde búgin Qazaqstan Respýblıkasy Premer-Mınıstriniń birinshi orynbasary Baqytjan Saǵyntaevpen bolǵan suhbat «Eń damyǵan elderdiń barlyǵy búgingi bıikterge ıntegratsııa arqyly jetti» degen taqyryppen jarııalanyp otyr.

«Bıyl meniń Eýrazııalyq ekonomıkalyq odaq jónindegi ıdeıany usynǵanyma 20 jyl tolady. Eýrazııalyq ıntegratsııa úderisi búginde damýdyń múlde jańa kezeńine shyqty. Eýrazııalyq ekonomıkalyq odaq qurý týraly tarıhı shartqa 2014 jyly mamyrda dál osy jerde, Astanada qol qoıý josparlanýda» - Qazaqstan Respýblıkasynyń Prezıdenti N.Á.Nazarbaevtyń HІІ Eýrazııalyq Medıa-forým qatysýshylaryna joldaǵan quttyqtaýynda osylaı delingen. Biz Qazaqstan Respýblıkasy Premer-Mınıstriniń birinshi orynbasary Baqytjan Saǵyntaevpen taıaýda bolatyn osy oqıǵanyń mán-mańyzy týraly suhbat qurýdy jón kórdik", - dep jazady gazet.

***

Qasym-Jomart Toqaevtyń tóraǵalyǵymen ótken Senattyń jalpy otyrysynda birqatar senatorlar ártúrli mınıstrlikterden túsetin zań jobalarynda kúmán týdyratyn tustardyń kóbeıgendigin aıtyp, dabyl qaqty, dep habarlaıdy "Aıqyn" gazeti óziniń búgingi sanynda.

"Mysaly, depý­tat Erlan Nyǵmatýlın ótken aıda ǵana basqa zańmen joıyl­ǵan normanyń myna jańa zań jobasynda qaıta «dúnıege kel­gendigine» tańdanys bildirdi: «Osy zań jobasynda ónerká­sip salasyndaǵy taý-ken jumysta­ryn kelisimnen ótkizý normasy qarastyrylǵan. Birinshiden, ol eskirgen norma, «Jer qoınaýyn paıdalaný týraly» zańda ony eshkim talap etpeıdi jáne jasamaıdy. Ekinshiden, bul korrýptsııalyq norma. Biraq kenetten ol qaıtadan sizder­diń zańdaryńyzda paıda bolyp otyr. Ne sebepten?», - delingen "D epýtattar dabyl qaqty . B iraq ..." atty maqalada.

"Óńirlik damý mınıstri Bo­lat Jámishev bul normanyń basqa zańmen joıylǵanyn moıyndady: «Zańgerlik turǵy­dan alǵanda, qandaıda bir sa­lalyq zańda qandaıda bir ruq­sat berý protsedýrasynyń bar­lyǵy, ne joqtyǵy ony basqa zańǵa qosýǵa kedergi bolmaı­dy. Onyń ústine TJM bul ruq­sat berý normasynyń tájirıbe­de qoldanylmaıtyndyǵyna prıntsıpti kelisim berdi» dep syrǵytqan ol qyrkúıekte Par­lamentke engiziletin kásipker­lik týraly jańa zańda «prın­tsıp­ti kelisimniń» rásimdeletindi­gin aıtty. Shynynda, onyń jaýa­bynan jınalǵandar túk túsin­bedi", - dep jazady basylym.

"Aıqyn" basylymy taǵy bir maqalasynda Qazaqstannyń bas qalasynda ótetin jahandyq mamandandyrylǵan kórmeniń qurylysy bastalǵandyǵyn habarlady. Gazettiń jazýynsha, Astanada, Prezıdent Nursultan Nazarbaev «Astana EXPO-2017» kórme kesheniniń qurylys alańynda bolashaqqa arnalǵan úndeýi bar quty-kapsýlany irgetasqa qalady.

Saltanatty rásimge Úkimet basshysy Kárim Másimov, Prezıdent Ákimshiliginiń basshysy Nurlan Nyǵmatýlın, sondaı-aq EKSPO-ǵa tikeleı jaýapty tulǵalar - Astana ákimi Imanǵalı Tasmaǵambetov, Qorshaǵan orta jáne sý resýrstary mınıstri Nurlan Qapparov pen «Astana EKSPO-2017» ulttyq kompanııasynyń basqarma tóraǵasy Talǵat Ermegııaev qatysqan.

«Nazarbaev Ýnıversıte­tiniń» qarama-qarsy jaǵy alyp qurylys alańyna aınal­dy. Qutyny qalaǵan soń, Memleket basshysy ha­lyqaralyq kórme kesheniniń qurylysyn bastaýǵa ulyq­sat etti.

- Biz búgin EHRO-2017 ny­sandarynyń qurylysyna bas­taý berdik, - dedi saltanat­ty rásimde Elbasy. - Bul búkil Qazaqstan úshin asa mańyzdy nysan. Osy jyldar boıyn­da men Astanadaǵy kóptegen nysandardyń qurylysyna bastaý berdim. Qazirdiń ózin­de elorda tamasha kúıge en­di. Al 2017 jyly bizdiń bas qalamyzdyń 20 jyldyǵy EKSPO-2017-niń ashylýyna tuspa-tus kelmek.

N.Nazarbaev EXPO kórme kesheni sekildi nysannyń As­tanada, tipti Qazaqstan boıyn­sha buryn-sońdy sa­lynbaǵandyǵyn málim etti: «Shynyn aıtqanda, bul Asta­na­nyń jańa ortalyǵyna aı­nalady. Bul biregeı, ǵajaıyp, kóztartymdy, ınnovatsııa­lyq nysandar bolady», - dep jazylǵan materıalda.

***

"Túrkistan" basylymy bolsa, mektep oqýshylaryna sapaly tamaq qamtamasyz etýdiń júıesizdigi týraly "O ńaı olja tapqan kásipkerler endi oqýshy tamaǵyna qol salǵan ba ?" atty maqalada qozǵaıdy.

Maqala avtory, "Taıaýda Elordanyń qaq ortasyndaǵy №3 mektep-gımnazııanyń oqýshylary túski astan ýlanyp, aldy aýrýhanaǵa tústi. Ázirge neden ýlanǵany belgisiz, biraq tenderdi utyp alǵan kásipker de, aspazshylar da «sýdan tazamyz» deýden tanar emes. Daıyn ónimderdi mektepke basqa kásipker jetkizetinin aıtyp aqtalýda", - dep jaza kele: "Bir ǵana bul emes, kóptegen oblys­tarda da mektep ashanasynan ýlanǵan jaıttardy kóptep estıtin boldyq. Tenderge qatysatyn kásipkerler bala densaýlyǵyn taýarǵa aınaldyrǵany ma?" dep qynjylady.

***

Resmı tildi "Lıter" basylymy "Bezvızovyı rejım otrazıtsıa na ývelıchenıı skorostı vedenııa bıznesa" atty maqalada 40 elmen vızasyz júıege qol jetkizgen Qazaqstan týrıstik salanyń damýyna oń serpilis ákelip qana qoımaı, elge tikeleı ınvestıtsııalardyń aǵylýyna úlken jol ashatyndyǵyn jazyp, osy oń qadamǵa qatysty sarapshylardyń pikirin usynyp otyr.

"Eske sala keteıik, vızasyz rejım engizý týraly sheshim bıylǵy jyldyń naýyryzynda jarııalanǵan bolatyn. QR Syrtqy ister mınıstrliginiń jaýapty hatshysy Rápil Joshybaevtyń habarlaýynsha, atalmysh shara jaqyn ýaqyttary 10 elde iske asyrylady", - delingen maqalada.