Depýtat otandyq fılmderge arnalǵan «kórsetilim kvotasyn» belgileýdi usyndy

Májilis depýtaty Nurgúl Taý praım-taım ýaqyttarynda Qazaqstanda shyǵarylǵan kınolarǵa arnalǵan kórsetilim kvotasyn engizýdi usyndy, dep habarlaıdy Kazinform. 

«Qazaqstanda kınoteatr tapshylyǵy baıqaldy. Resmı statıstıkaǵa júginsek, elimizdegi iri qalalardy qospaǵanda, bir oblysqa ortasha eseppen 4 kınoteatrdan kelip tur. Bul – shalǵaı óńirlerde kıno salasyndaǵy kásipkerlikti damytýǵa kedergi keltirýde ári otandyq kıno týyndylaryn aýyldaǵy aǵaıynǵa kórsetýge qıyndyq týdyryp tur. Biz bul másele boıynsha, turǵylyqty halyq sanyn eskere otyryp, kınoteatry joq aýdandarda Úkimettiń yqpalymen jáne kásipkerlerdiń qoldaýymen kınoteatrlar ashýdy usynamyz», - dedi depýtat.

Aıtýynsha, qazaqstandyq kıno túsirýshiler óz fılmderin úlken ekranda kórsetý úshin «Sulpak» «Cinema», «Meloman» sııaqty iri amerıkalyq kınostýdııalardyń ókilderine júginýge májbúr.

«Bul jaǵdaı, atalǵan resmı ókilderdiń kınoteatrlardaǵy barlyq seanstardyń ýaqyttaryn aldyn-ala brondap jáne kelisip qoıýyna baılanysty týyndap otyr. Otandyq kıno túsirýshilerdi qoldaý maqsatynda barlyq kınoteatrlardyń seanstarynda, onyń ishinde praım-taım ýaqyttarynda, Qazaqstanda shyǵarylǵan kınolarǵa arnalǵan kórsetilim kvotasyn engizýdi usynamyz. Atalǵan kvotany Qazaqstannyń halyqaralyq mindettemelerin jáne otandyq fılmdi kórý úshin bastapqy ýaqytta satylǵan bıletterdiń jalpy sanyn eskere otyryp, engizgen jón», - dedi Nurgúl Taý.