Depýtat MÁMS júıesindegi kemshilikter jaıynda: Naýqas adam úsh aı kezekte tura almaıdy
«Mindetti áleýmettik medıtsınalyq saqtandyrý boıynsha qazir problema ýshyǵyp tur. Jalpy, bir máselege nazar aýdarýymyz kerek, bul saqtandyrý - halyqaralyq tájirıbe. Problema MÁMS ınstıtýtynda emes, másele ony júzege asyrý tetigine qatysty bolyp tur. Sonymen qatar, Densaýlyq saqtaý mınıstrliginiń oqylyqtaryna da baılanysty, ıaǵnı barlyq normatıvtik-quqyqtyq aktilerdi mınıstrlik qabyldaıdy. Osy kemshilikterdiń kesirinen bizdiń azamattar der kezinde durys ári sapaly medıtsınalyq kómekti ala almaı otyr», - dedi A. Aımaǵambetov Májilistiń jalpy otyrysynan keıin tilshiler suraǵyna jaýap bere otyryp.
Osy oraıda ol zańnama boıynsha MÁMS júıesinde saqtandyrylmaǵan adamdardy Tegin medıtsınalyq kómektiń kepildik berilgen kólemi aıasynda kez kelgen aýrýhana qabyldap, tıisti kómek kórsetýi kerek ekenin eske saldy.
«Biraq osy baǵytta tıisti kómek jasalmaǵany týraly aqparat tarap jatyr. Bul óz kezeginde el azamattaryna úlken qaýip bolǵanyn bildiredi. Osy rette MÁMS-tiń jáne Tegin medıtsınalyq kómektiń kepildik berilgen kólemi paketteri boıynsha naqty túsiniktiń bolmaýyna baılanysty jergilikti jerlerde medıtsınalyq uıymdar shatasyp, tıisti kómekti der kezinde bere almaı otyr. Jalpy, osy saladaǵy qarjylandyrý boıynsha kóp másele bar», - dedi depýtat.
Onyń aıtýynsha, turǵyndar keıbir medıtsınalyq tekserýlerden ýaqytynda óte almaı jatyr.
«Máselen, ÝZI-den ótip, tıisti analızderdi tapsyrýǵa qatysty adamdardy úsh aıdan keıingi merzimge kezekke jazyp qoıady. Naýqas adamǵa úsh aı kútý múmkin emes qoı? Qazirgi statıstıkaǵa qarasaq, adamdardyń óz qaltasynan emdelýge tólegen qarajaty ósip keledi. Bul derekter turǵyndardyń MÁMS arqyly kómek kútýge ýaqyty joq ekenin bildiredi. Dál qazir aýyryp turǵan adam úsh aı kúte almaıtyny túsinikti ǵoı?! Bul adamdar qaltasynan aqsha shyǵaryp, aqyly medıtsınalyq uıymdarǵa baryp jatyr», - dedi Ashat Aımaǵambetov.
Bul turǵyda depýtat qazan aıynda Parlamentte osy taqyryp boıynsha Úkimet saǵaty ótetinin, MÁMS júıesindegi problemalar egjeı-tegjeıli talqylanatynyn aıtty.
