Depozıtterge salyq salynbaıdy - mınıstr

Depozıtterge salyq salynbaıtyn boldy. Ulttyq ekonomıka mınıstri Álibek Qýantyrov Senattaǵy Úkimet saǵatynan keıin BAQ ókilderine bergen suhbatynda osyndaı málimet keltirdi, dep habarlaıdy Kazinform. 

«Ol ıdeıadan bas tarttyq. Depozıtterdiń bárine salyq salynbaıdy», - dedi ol Senattaǵy Úkimet saǵatynan keıin.

Buǵan deıin Májiliste depozıtterge salyq salý týraly másele qaralǵan bolatyn.

«Jyl saıyn 40-50 mln teńgeden astam tabys tabatyn jeke tulǵalarǵa jeke tabys salyǵyn progressıvti shkalamen salý týraly usynys qaralyp jatyr. Sondaı-aq, passıvti tabysy barlarǵa, ıaǵnı, depozıtter men qundy qaǵazdar ınvestıtsııasyna progressıvti salyq salynýy múmkin», - degen edi ol buǵan deıin.