Depozıtterdiń dollarlaný deńgeıi 8 aı ishinde 40,2 paıyzǵa deıin tómendedi - UB
«Qyrkúıekte teris túzetýge qaramastan ınvestıtsııalyq kiris 2020 jyldyń basynan beri 1,5 mlrd AQSh dollaryna jýyq boldy. Bank júıesindegi depozıtter jyl basynan beri 8,7 paıyzǵa ulǵaıyp, osy jylǵy tamyzdyń sońynda 20,7 trln teńge boldy. Teńgedegi salymdar 12,4 trln teńgege deıin 14,2 paıyzǵa, valıýtalyq salymdar 8,3 trln teńgege deıin 1,4 paıyzǵa ósti. Nátıjesinde depozıtterdiń dollarlaný deńgeıi 2020 jylǵy 8 aı ishinde 40,2 paıyzǵa deıin tómendedi», - dedi Erbolat Dosaev.
Onyń atap ótýinshe, jıyntyq depozıtterdiń ósýi kóbinese naýryzdaǵy baǵamdyq qaıta baǵalaý, sondaı-aq valıýtalyq salymdar boıynsha alynǵan kiristerdi keıinnen teńgedegi depozıtterge birtindep aýystyrý esebinen qalyptasady.
«Bul rette, halyqtyń ınflıatsııalyq kútýleri boıynsha Ulttyq banktiń pikirterimi aıasyndaǵy derekter jınaqtary bar respondentter úlesiniń tómendep bara jatqanyn kórsetedi. Pikirterimge qatysqandardyń kópshiligi osy jylǵy qyrkúıekte jınaqtardy qalyptastyrý ýaqytyna teris baǵa berdi – 42 paıyz, alaıda bul teris baǵalaýlar osy jylǵy tamyzdaǵy 47 paıyzben salystyrǵanda tómendeı bastady», - dedi Erbolat Dosaev.
