Depozıtter boıynsha maýsymdaǵy syıaqy mólsherlemesi bekitildi

ALMATY. QazAqparat – Qazaqstannyń depozıtterge kepildik berý qory teńgelik depozıtter boıynsha 2021 jyldyń maýsym aıyna usynylǵan eń joǵary syıaqy mólsherlemelerin bekitti, dep habarlaıdy QazAqparat tilshisi.

Qysqa merzimdi teńgelik depozıtter boıynsha maksımaldy mólsherlemelerdiń kólemi Ulttyq banktiń bazalyq mólsherlemesine tikeleı táýeldi. Al 2021 jyldyń sáýirinde bazalyq mólsherleme 9,0% deńgeıinde saqtaldy. Sondyqtan mundaı depozıtter boıynsha maksımaldy mólsherlemeler maýsym aıynda ózgermeıdi.

12 jáne 24 aılyq merzimdi depozıtter naryǵynda qandaı da bir belsendilik bolmaǵandyqtan, olar boıynsha eń joǵary mólsherlemeler de burynǵy deńgeıinde saqtaldy.

Al Salymshylar úshin eń tartymdy salymdar jınaq salymdar bolyp qalýda. Óıtkeni olar boıynsha tabystylyq joǵary deńgeıde. Solardyń ishinde eń tanymaly – 1 jylǵa arnalǵan jınaq salymdar. Sol sebepten, olar boıynsha mólsherlemeler burynǵy deńgeıinde saqtaldy. Alaıda naryqta 24 aılyq jınaq salymdar boıynsha naryqtyq mólsherlemelerdiń tómendeý sıpaty saqtalýyna baılanysty bul salymdar boıynsha mólsherlemeler shamaly azaıdy.