«Densaýlyq» poıyzy jyl sońyna deıin 130-daı stansaǵa barady
«Densaýlyq poıyzdarynyń» joly Qostanaı jáne Mańǵystaý oblystarynan bastaldy. 2018 jyly «Densaýlyq» medıtsınalyq poıyzy Atyraý, Mańǵystaý, Qyzylorda, Túrkistan jáne Almaty oblystaryn aralaı otyryp, 71 stansaǵa barady. Al «Salamatty Qazaqstan» poıyzy qyzmetimen Shyǵys Qazaqstan, Pavlodar, Qaraǵandy jáne Qostanaı oblystarynyń shalǵaı aýdandaryndaǵy 57 stansany qamtý josparlanyp otyr.
Bul jobany QR Densaýlyq saqtaý jáne Іshki ister mınıstrlikteri , «Samruk-Kazyna Trust» áleýmettik jobalardy damytý qorymen birge «QTJ» UK» AQ-nyń «Áleýmettik jobalar qory» korporatıvtik qory júzege asyrýda.
Atalǵan poıyzdardyń personaly shalǵaı stansa, beketterde turatyn halyqqa mamandandyrylǵan áleýmettik jáne medıtsınalyq kómek kórsetetin bolady. Turǵyndar terapevt, pedıatr, nevropatolog, kóz dárigeri, LOR, gınekolog, hırýrg, ýrolog, mammolog, stomatolog syndy bilikti dárigerlerdiń kómegine júgine alady.
Poıyzdar zamanaýı dıagnostıkalyq jabdyqtarmen, atap aıtqanda, dıagnostıkalyq júktemelik synaqtar júrgizý úshin kardıologııalyq monıtorlyq júıemen, kompıýterlik spırometrlik júıemen, ehoentsefalografpen, sonymen qatar sońǵy úlgidegi rentgen, stomatologııalyq, LOR jáne oftalmologııalyq jabdyqtarmen jaraqtalǵan.
Eske sala keteıik, «Medıtsınalyq poıyzdar» jobasy alǵash ret 2010 jyly bastalǵan bolatyn. Osy ýaqyt aralyǵynda konsýltatıvtik-dıagnostıkalyq poıyzdar respýblıkanyń barlyq oblystarynan 1 326 stansanyń turǵyndaryn qaraǵan. Mamandar 379 myńnan astam qazaqstandyqty, sonyń ishinde 8 3806 balany tekserýden ótkizgen. Dárigerlik qabyldaýdyń jalpy sany 2,5 mln-dy quraǵan.
Foto: test.railways.kz
