Densaýlyq salasyndaǵy ulttyq operatorǵa jańa ókilettikter berildi
ASTANA. KAZINFORM – Densaýlyq saqtaý mınıstri «Densaýlyq saqtaý salasyndaǵy ulttyq operatordy, onyń fýnktsııalary men ókilettikterin aıqyndaý týraly» buıryqqa ózgeris engizdi.
Engizilgen ózgeriske saı, ulttyq operator qyzmetine jańadan mynandaı fýnktsııalar qosyldy:
- densaýlyq saqtaý salasyndaǵy ınvestıtsııalyq jobalardy iske asyrý boıynsha;
- densaýlyq saqtaý obektilerin medıtsınalyq josparlaý boıynsha;
- medıtsınalyq pýnktter, feldsherlik-akýsherlik pýnktter, dárigerlik ambýlatorııalardyń jobalaý aldy jáne jobalaý-smetalyq qujattamasyn, onyń ishinde qaıta qoldanylatyn jobalardy paıdalana otyryp ázirleý boıynsha qyzmetti júzege asyrý;
- medıtsınalyq pýnktter, feldsherlik-akýsherlik pýnktter, dárigerlik ambýlatorııalar boıynsha avtorlyq qadaǵalaýdy júrgizý qyzmetin júzege asyrý;
- Qazaqstan Respýblıkasy Úkimetiniń 2022 jylǵy 30 qarashadaǵy № 962 qaýlysymen bekitilgen «Aýylda densaýlyq saqtaýdy jańǵyrtý» pılottyq ulttyq jobasy sheńberinde densaýlyq saqtaý obektilerin jobalaý men salýdyń barlyq kezeńderinde monıtorıng júrgizý;
- densaýlyq saqtaý ınfraqurylymyn damytý boıynsha;
- densaýlyq saqtaý obektilerin medıtsınalyq jobalaý boıynsha;
Buıryq 2024 jylǵy 26 qarashadan bastap kúshine enedi.
