Densaýlyq saqtaý mınıstrligi sala úzdikterin marapattady

ASTANA. KAZINFORM – Elordada QR Densaýlyq saqtaý mınıstrligi uıymdastyrǵan «Mamandyǵynyń úzdigi» respýblıkalyq baıqaýynyń jeńimpazdaryn marapattaý rásimi ótti. 

Saltanatty jıynda mınıstr Aqmaral Álnazarova elimizdiń túkpir-túkpirinen kelgen densaýlyq saqtaý salasynyń úzdik mamandaryna dıplomdar men sertıfıkattar tabystady.

Bıylǵy baıqaý 17 nomınatsııa boıynsha ótti. Jeńimpazdar qatarynda statsıonarlyq jáne aýyldyq dárigerler, akýsherler men meıirgerler, feldsherler men sanıtarııalyq-epıdemıologııalyq sala mamandary, sonymen qatar medıtsınalyq JOO jáne kolledj oqytýshylary bar.

«Mamandyǵynyń úzdigi» atanǵandar:

• «Statsıonardyń úzdik dárigeri» – Smaıylov Sovet Slámmuratuly (Pavlodar oblysy);

• «Úzdik jedel járdem dárigeri» – Tájibekova Saltanat Bolatqyzy (Shymkent qalasy);

• «Medıtsınalyq-sanıtarııalyq alǵashqy kómektiń úzdik dárigeri» – Baqbergenova Aıgúl Juparbaıqyzy (Qyzylorda oblysy);

• «Úzdik aýyldyq dáriger» – Tóleýov Jaqyp Orazaıuly (Qyzylorda oblysy);

• «Densaýlyq saqtaýdaǵy úzdik áleýmettik qyzmetker» – Sabıeva Aıgúl Bolatqyzy (Shymkent qalasy);

• «Úzdik akýsher» – Qajenova Marjan Tynyshqalıqyzy (Batys Qazaqstan oblysy);

• «Statsıonardyń úzdik meıirgeri» – Tileýbaeva Elmıra Jasulanqyzy (Almaty oblysy);

• «Medıtsınalyq-sanıtarııalyq alǵashqy kómektiń úzdik meıirgeri» – Áljanova Álııa Naýryzbaıqyzy (Aqmola oblysy);

• «Úzdik aýyldyq meıirger» – Jumanazarova Juldyz Qurbanqyzy (Túrkistan oblysy);

• «Úzdik feldsher» – Mahanbetova Gúlnar Amankeldiqyzy (Aqtóbe oblysy);

• «Medıtsınalyq joǵary oqý ornynyń úzdik oqytýshysy» – Qojanova Qaldanaı Qarjaýqyzy (S.J. Asfendııarov atyndaǵy Qazaq ulttyq medıtsına ýnıversıteti);

• «Medıtsına kolledjiniń úzdik oqytýshysy» – Jumadılova Madına Sembaıqyzy (Jetisý oblysy);

• «Densaýlyq saqtaýdaǵy úzdik ǵalym» – Jaqypbekov Qaırat Saparhanuly (S.J. Asfendııarov atyndaǵy Qazaq ulttyq medıtsına ýnıversıteti);

• «Densaýlyq saqtaýdyń úzdik menedjeri» – Ámrın Sáken Ómirserikuly (Soltústik Qazaqstan oblysy);

• «Sanıtarııalyq-epıdemıologııalyq beıindegi úzdik dáriger» – Pıvovarov Evgenıı Ivanovıch (Shyǵys Qazaqstan oblysy);

• «Sanıtarııalyq-epıdemıologııalyq saraptamanyń úzdik mamany» – Rahymbaeva Almagúl Qalıqyzy (Almaty qalasy);

• «Úzdik provızor» – Áljanova Hadısha Derbisqyzy (Túrkistan oblysy).

Jeńimpazdarǵa 500 aılyq eseptik kórsetkish (AEK) mólsherinde kótermeleý tólemi taǵaıyndaldy. Bul – memleket tarapynan medıtsına qyzmetkerleriniń eńbegine berilgen joǵary baǵa men qoldaýdyń naqty kórinisi.

Mınıstrliktiń málimetinshe, baıqaý elimizdiń barlyq aımaqtarynda joǵary kásibı biliktilik tanytyp júrgen mamandardy anyqtap, densaýlyq saqtaý júıesiniń damýyna qosqan úlesterin atap ótý maqsatynda jyl saıyn ótkiziledi.

Aıta keteıik, Prezıdenttiń Jarlyǵymen otandyq medıtsınany damytýǵa eleýli úles qosqan mamandar marapattaldy.