Denıs Tenniń týystary qoshtasý rásimin laıyqty ótkizýdi surady

ALMATY. QazAqparat -Denıs Tenniń nemere aǵasy Almatyda kóshe buzaqylary qolynan qaza tapqan sportshyny aqtyq saparǵa laıyqty túrde shyǵaryp salýdy surady, dep habarlaıdy QazAqparat tilshisi.

«Denıs ómirden ótti. Ol meniń inim ǵana emes, elimizdiń namysyn qorǵaǵan dańqty sportshy edi. Erteń tańǵy saǵat 10-da Balýan Sholaq saraıynda Denıstiń janazasy ótedi. Endi ony sońǵy saparǵa abyroımen shyǵaryp salýymyz kerek. Erteńgi janazanyń laıyqty túrde ótýin suraımyz. Ondaǵy kez kelgen tótenshe oqıǵa men túsinispeýshilikter Denıstiń árýaǵyna tas atqanmen teń», - dedi qazaqstandyq chempıonnyń nemere aǵasy. 

Qazaq sportynyń jaryq juldyzyna aınalǵan Denıs 19 shilde kúni Almatyda kóshe buzaqylarynyń qolynan qaza tapqan edi.