Denıs Tenniń ólimine qatysty eksperımenttik tergeý júrip jatyr

ALMATY. QazAqparat - Almaty polıtsııasy Olımpıada júldegeri Denıs Tenniń ólimine qatysty kúdiktimen tergeý eksperımentin júrgizip jatyr. Bul týraly jelide beıne jazba tarap jatyr, dep habarlaıdy QazAqparat tilshisi.

24 jasar Nuraly Qııasovty kúndiz quqyq qorǵaýshylar Qurmanǵazy men Baıseıitov qıylysyna alyp keldi. Tergeýshiler qylmystyq árekettiń hronologııasyn anyqtaýda. Tergeý eksperımentiniń barysy kóp adamnyń nazaryn aýdartyp, tıym salynsa da beınejazbaǵa túsirgender boldy. Beınerolıkte kúdikti betin jasyrǵany baıqalady.

Quqyq qorǵaý organynyń qyzmetkerleri kúdiktimen birge Shevchenko men Nazarbaev kósheleriniń qıylysyna deıin bardy. Keıin ony kólikke otyrǵyzyp alyp ketti.

Buǵan deıin aıtylǵandaı, ustalǵan jigit kinásin moıyndaǵan bolatyn.

Almaty polıtsııasy Denıs Tenniń ólimine kúdikti ekinshi adamdy izdestirýdi jalǵastyryp jatyr.

Ol boljam boıynsha Qyzylorda oblysynyń týmasy, 24 jastaǵy Arman Qudaıbergenov.