Denıs Tenniń ólimi boıynsha sottalǵan Janar Tolybaeva bostandyqqa shyqty

NUR-SULTAN. QazAqparat – Qazaqstandyq mánerlep syrǵanaýshy Denıs Tenniń ólimine qatysy bar degen aıyppen sottalǵan Janar Tolybaeva bostandyqqa shyqty, dep habarlaıdy QazAqparat tilshisi QR ІІM Qylmystyq – atqarý júıesi komıtetiniń baspasóz qyzmetine silteme jasap.

«2021 jyldyń jeltoqsanynan bastap Janar Tolybaeva qylmystyq-atqarý júıesi mekemesinde emes ekenin habarlaımyz», - delingen komıtet habarlamasynda.

Eske sala ketsek, belgili sportshy, Olımpıada júldegeri Denıs Tendi óltirgen Arman Qudaıbergenov, Nuraly Qııasov jáne Janar Tolybaevalar 2019 jyly qańtar aıynda sottalǵan bolatyn.

Sýdıa eki sottalýshyny 18 jylǵa bas bostandyǵynan aıyrý týraly, júkti áıel Tolybaevany 4 jylǵa bas bostandyǵynan aıyrý týraly úkim shyǵardy.

2020 jyldyń 6 qańtarynda Іle aýdandyq sotynyń qaýlysymen Janar Tolybaevanyń aryzy qanaǵattandyrylyp, bas bostandyǵynan aıyrý jazasynyń ótelmegen merzimi bas bostandyǵynan shekteý jazasyna aýystyryldy.

Degenmen ótken jyly maýsymda jazasy jeńildetilgen Janar Tolybaeva qaıtadan abaqtyǵa qamaldy.

Aıta keteıik, qazaqstandyq mánerlep syrǵanaýshy Denıs Ten 2018 jyly 19 shilde kúni pyshaq jaraqatynan qaza tapty.