Denıs Tenniń ólimi: Aıyptalýshynyń biri sotta aıaǵy aýyr ekenin aıtty

ALMATY. QazAqparat - Almatyda Denıs Tenniń ólimine qatysty sot bastaldy. Búgingi otyrysta sotqa deıingi tyńdalym barysynda kúdiktilerdiń jeke məlimetteri belgili boldy, dep habarlaıdy QazAqparat tilshisi sot zalynan.

QR Qylmystyq kodeksiniń 434-baby, QR QK 24-babynyń 3-bólimi, 188-babynyń 2-bóliminiń 1-tarmaǵy boıynsha aıyptalǵan Janar Tolybaeva joǵary bilimdi, Taraz ınnovatsııalyq gýmanıtarlyq ýnıversıtetin bastaýysh mektep muǵalimi mamandyǵymen aıaqtaǵan.

23 jastaǵy kelinshek óz sózinde 4 jastaǵy balasy bar ekenin, ekinshi balasyna júkti ekendigin aıtty.

«Men Ózbekstan Respýblıkasynyń týmasymyn. Qazir Qazaqstan azamatshasymyn. Ajyrasqanmyn, 4 jastaǵy balam bar, ekinshisine júktimin, 6,5 aı boldy»,- dedi Janar Tolybaeva.

Al QR QK 188-baby 2-bóliminiń 1-tarmaǵy, QR QK 99-babynyń 2-bólimimen, 192-babynyń 2-bólimimen qylmystyq jaýapkershilikke tartylyp otyrǵan Arman Qudaıbergenov buǵan deıin kólik jýý ornynda jumys istegen. Buryn QR QK-niń 178-babynyń 2-bólimimen isti bolǵan.

QR QK 99-babynyń 2-bólimimen, 192-babynyń 2-bólimimen qylmystyq jaýapkershilikke tartylyp otyrǵan Nuraly Qııasov buryn sottalmaǵan, dənekerleýshi bolyp jumys jasaǵan. «Shańyraq-1» shaǵyn aýdanynda turyp kelgen.

Qylmystyq is 38 tomnan turady.

Eske salsaq, Denıs Tendi bıyl 19 shildede Almaty qalasynda belgisiz bireýler pyshaqtap ketken edi. Aýyr halde aýrýhanaǵa jetkizilgen sportshy kóz jumǵan bolatyn.

Denıs Tenniń ólimine qatysty qylmystyq is qozǵalyp, kúdiktiler izdestirildi. Elbasy Denıs Tenge qatysty qylmysty muqııat tekserýdi tapsyrdy. Keıin QR ІІM kúdiktilerdiń ustalǵanyn jarııa etti.

Eske sala ketsek, qyrkúıek aıynyń sońynda Іshki ister mınıstri Qalmuhanbet Qasymov atalmysh qylmystyq istiń tergelýine qatysty málimet bergen bolatyn.