Denıs Tenniń mánerlep syrǵanaýdaǵy jeńisti sátteri

ASTANA. QazAqparat - Denıs Ten Qazaqstan sporty tarıhynda erler arasyndaǵy mánerlep syrǵanaýdan tuńǵysh Olımpıada medalin syılaǵan edi. QazAqparat agenttigi sportshyǵa jeńis ákelgen jarystardyń jarqyn sátterin usynady. 

Denıs Ten Qazaqstannyń úsh márte chempıony, QR Eńbek sińirgen sport sheberi, «Astana» kásibı Prezıdenttik klýbynyń múshesi. Mánerlep syrǵanaýdan 2013 jylǵy Álem chempıonatynyń kúmis júldegeri, VII qysqy Azııa oıyndarynyń chempıony, ISU uıymdastyrýmen ótken halyqaralyq týrnırlerdiń birneshe dúrkin jeńimpazy.

Denıs Ten 2011 jyly Astanada ótken VII qysqy Azııa oıyndarynda Qazaqstan qorjynyna altyn medal syılady

2013 jyly qazaqstandyq mánerlep syrǵanaýshy Kanadada ótken álem chempıonatynda kúmis medal ıelendi.

2014 jylǵy Sochı Olımpıadasynda qola medalǵa qol jetkizdi. Bul, Qazaqstannyń atalmysh Olımpıadada ıelengen jalǵyz medali edi jáne ony Denıs Ten syılady. Ol sondaı-aq Qazaqstan táýelsizdigi tarıhynda mánerlep syrǵanaýdan Olımpıadanyń medalin ıelengen tuńǵysh sportshy atandy.

2015 jyldyń jeltoqsan aıynda Horvatııada ótken «Zolotoı konek Zagreba» týrnırinde qysqa baǵdarlama boıynsha «altyn» aldy. 

Sonymen qatar Almatyda ótken «Ýnıversıada 2017» stýdentter olımpıadasynda altyn medal enshiledi.

2017 jyly  25 qarashada  Qytaıda ótken Shanghai Trophy 2017 halyqaralyq týrnırinde úshinshi orynǵa kóterildi.