Denıs Tenniń anasy: Balam qansyrap qulaǵansha aıaǵynan tik turǵan
"Birinshi sekýndtan bastap men munyń jaı ǵana avtourlyq ekenine sengen joqpyn. Oǵan materıaldarmen tanysý barysynda da kózim jetti. Denıs sarań adam emes edi. Ol óte qoly ashyq jan bolǵan. Qymbat zattarǵa qaramaıtyn da. Men zatymdy joǵaltqan kezde ol únemi meni jubatatyn. Denısti bir zatqa bola tóbelestirý múmkin emes, ol úshin sheginen shyǵa ashýlandyrý kerek shyǵar. Denıs shetelde uzaq júrdi. Qazaqstanda ol sırek bolatyn. Sport bazalarynda, jattyǵýda júretin. Onyń Qazaqstanda júrgenin dostary, tanystary jaqsy biletin", - dedi Oksana Ten.
Onyń aıtýynsha, sol kúni ony "T9 grýpp" JShS dırektory A.M. restoranǵa shaqyrǵan.
"Sol restorannyń dırektory H. Denıspen 1-3-synyptarda birge oqyǵan edi. Denıs onymen jaqsy aralaspaıtyn. 13:45-te H. ony túski asqa shaqyrǵan. 13.48-de Denıs oǵan kelisedi. Al 18 shildede búgin kúdikti bolyp otyrǵan úsheýi Almatyda jınalady. Olar 18 shilde kúni keshki 21-de qalanyń ortasynan pəter jaldaǵan. Aqshalary joq olar qymbat aýdannan qalaı páter jaldaǵan? Barlyq əreket 19-y kúni túski ekide bastalady. Túski 14:14-te olar Naýryzbaı kóshesimen Gogolǵa burylǵan.
14:18-te Denıs restorannan shyqty. 14:30-da qylmyskerler sol oqıǵa ornynda bolǵan. Osy ýaqytqa deıin Qudaıbergenov qolǵabymen júrgizýshi jaqtyń aınasyn sheship alǵan. Denıs mashınaǵa Qurmanǵazy kóshesimen kele jatady. Qulaǵynda qulaqqap, mýzyka tyńdap bara jatady. Denıs mashınaǵa kelgende Qudaıbergenovty kórgen. Sol sətte Qudaıbergenov onyń qolyna ekinshi aınany ustatady. Qandaı ury kólik ıesine ózi urlaǵan zatyn ustatýshy edi? Sodan soń Denıske Qudaıbergenov birdeńe aıtyp, Denıs ashýlanyp ketken. Oǵan ne aıtqanyn bilmeımin. Qudaıbergenov sport alańyna qaraı qasha jóneledi. Onyń artynan Qııasov júgiredi. Denıs sol jerde qansyrap qulaǵansha aıaǵynan tik turǵan. Ony bir kýəger kórgen. Ol biraq tóbelesten qoryqqanynan mashınadan shyqpaǵan» - deıdi Oksana Ten.
Onyń aıtýynsha, avtourylar áýel bastan aına urlaýdy maqsat tutpaǵan.
"Denıstiń sýmkasynda aınadan da qymbat zattar boldy. Nege ony almaǵan? Olar ne úshin jasady muny? Aqsha úshin ekeni ras. Biz tapa-tal túste adam óltire salatyn el emespiz. Kúndiz pyshaq ustap, adam óltirý bola bermeıdi. Men osy nusqaǵa kóp adamnyń sengenin qalamaımyn. Denıs Qazaqstanyn tek qana jaqsy jaǵynan kórsetkisi keletin, elin maqtaıtyn, jaqsy kóretin, bərin qonaqqa shaqyratyn. Bizge kelgen qonaqtar «Qazaqstan qandaı ədemi, tamaqtaryń qandaı dəmdi» dep aıtyp ketetin. Ustalǵandarǵa aıtarym, sizder Qazaqstan úshin úlken qylmys jasadyńyzdar", - dedi O.Ten.
Onyń aıtýynsha, Denıstiń ómirlik ustanymdary bireýge unamaǵan nemese onyń ómirindegi səttilik bireýge kedergi bolǵan.
Eske salsaq, Denıs Tendi bıyl 19 shildede Almaty qalasynda belgisiz bireýler pyshaqtap ketken edi. Aýyr halde aýrýhanaǵa jetkizilgen sportshy kóz jumǵan bolatyn.
Denıs Tenniń ólimine qatysty qylmystyq is qozǵalyp, kúdiktiler izdestirildi. Elbasy Denıs Tenge qatysty qylmysty muqııat tekserýdi tapsyrdy. Keıin QR ІІM kúdiktilerdiń ustalǵanyn jarııa etti.
Aıta keteıik, keshe Denıs Tenniń ólimi boıynsha basty sot talqylaýy bastaldy. Іs boıynsha aıyptalǵan kúdiktiler kisi óltirgenin moıyndamady. Sot otyrysynda polıtsııa Arman Qudaıbergenovtiń nege bostandyqta júrgenin túsindirdi. Sot otyrysy búgin de jalǵasýda, onda marqumnyń anasy Oksana Ten túsinik berýde.
