Denıs Tenge qosymsha qan qajet emes, resýrs jetkilikti - Basqarma basshysy

ALMATY. QazAqparat - Almaty qalalyq Densaýlyq saqtaý basqarmasynyń basshysy Serikbol Mýsınov Sochı Olımpıadasynyń júldegeri Denıs Tenniń jaǵdaıyna qatysty túsinikteme berdi, dep habarlaıdy QazAqparat tilshisi.

«Patsıent saǵat 15:23-te aýrýhanaǵa jetkizildi. Jedel járdemdi turǵyndar shaqyrǵan. Ol esinen tanyp jatqan. Qan kóp joǵaltqan. Gemolıtıkalyq shokpen tústi. Jaǵdaıy óte aýyr desek bolady. Barlyq qoldan kelgen sharalardy jasap jatyrmyz. Qosymsha qan qajet emes, resýrs jetkilikti», - dedi Serikjan Mýsınov.Eske sala keteıik, búgin sportshy aýyr jaraqatpen aýrýhanaǵa túsken bolatyn.

Oqıǵa kýágerleriniń aıtýynsha, sportshyny belgisiz adamdar pyshaqtap ketken.

Denıs Ten oń jaq sanynyń joǵarǵy tusynan jaraqat alǵan. Qazirgi tańda aýrýhanada osyǵan baılanysty túrli sala mamandarynyń konsılıým ótip jatyr.