Denıs Tendi jerleý rásimin mınıstrlik pen ákimdik uıymdastyrady

ALMATY. QazAqparat - Halyqtyń súıiktisi jáne uly sportshy Denıs Tendi jerleý rásimin uıymdastyrýdy Almaty qalasynyń ákimdigi óz moınyna aldy, dep habarlaıdy QazAqparat «SPORTINFORM»-ǵa silteme jasap.  

«Mınıstr Arystanbek Muhamedıuly Almaty ákimdigi basshylyǵymen birge Denıstiń ata-anasyna baryp, kóńil aıtady. Jerleý rásimin mınıstrlik pen qala ákimdigi uıymdastyrady», - dep habarlaıdy mádenıet jáne sport mınıstrliginiń baspasóz qyzmeti.

Marqumdy jerleý ýaqyty men orny erteń, 20 shildede belgili bolady. Shamalap aıtqanda, jerleý rásimi 21 shilde, senbi kúni ótkizilýi múmkin.

Eske sala keteıik, 19 shilde kúni eń daryndy jáne qurmetti sportshylarymyzdyń biri, halyqtyń súıiktisi jáne Otanynyń naǵyz patrıoty Denıs Ten sanynan pyshaq jaraqatyn alǵan bolatyn. Dárigerler onyń ómirin aman alyp qalý úshin baryn saldy. Alaıda Denısti qutqaryp qala almady.

Denıs Tenniń mezgilsiz ólimi búkil Qazaqstandy eseńgiretip tastady. Memleket basshysy sportshynyń otbasyna qaıǵyryp, kóńil aıtty. 

Almaty polıtsııasy mánerlep syrǵanaýshy Denıs Tendi óltirgen adamdar týraly aqparat bergenderge syıaqy taǵaıyndady.