Denıs Tendi tapsyryspen óltirgenin bildiretin derekter bar - jábirlenýshi tarap
«Denıstiń anasy ekeýimiz 39 tomdyq isti qaraı kele qarama-qaıshylyqqa toly 14 derekti taptyq. Ol derekter bul qylmystyń tapsyryspen bolǵanyn kórsetedi. Sondyqtan, ol tulǵalardy da jaýapqa tartý úshin atalǵan isti bólek óndiriske bólý maqsatynda prokýrorǵa qaıta qaraýǵa jiberýdi suraımyz»,- dedi Oksana Tenniń ókili Nurlan Óstemirov.
Protsessýaldy prokýror Qýandyq Dosov isti qaıta qaraý týraly talap aryzdy qanaǵattandyrmaýdy ótindi. Sýdıa atalǵan talap-aryzdy keńesý bólmesinde sheshetinin aıtty.
Sonymen qatar, prokýror is boıynsha 26 kýəger suralatynyn aıtty.
Munyń aldynda sottalýshylardyń jeke tulǵasy belgili bolǵan edi. Sottalýshy Janar Tolybaeva óziniń júkti ekenin məlimdegen bolatyn.
Qylmystyq is 38 tomnan turady.
Eske salsaq, Denıs Tendi bıyl 19 shildede Almaty qalasynda belgisiz bireýler pyshaqtap ketken edi. Aýyr halde aýrýhanaǵa jetkizilgen sportshy kóz jumǵan bolatyn.
Denıs Tenniń ólimine qatysty qylmystyq is qozǵalyp, kúdiktiler izdestirildi. Elbasy Denıs Tenge qatysty qylmysty muqııat tekserýdi tapsyrdy. Keıin QR ІІM kúdiktilerdiń ustalǵanyn jarııa etti.
Eske sala ketsek, qyrkúıek aıynyń sońynda Іshki ister mınıstri Qalmuhanbet Qasymov atalmysh qylmystyq istiń tergelýine qatysty málimet bergen bolatyn.
Búgin Almaty qylmystyq ister boıynsha aýdanaralyq mamandandyrylǵan sotta belgili sportshynyń ólimi boıynsha aldyn ala sot tyńdalymy ótti.
