Denıs Ten týraly kitapty eki kúnde 100 myń adam júktep alǵan

ASTANA. QazAqparat - «Bizdiń Denıs» kitabynyń elektrondyq nusqasy Mádenıet jáne sport mınıstrliginiń resmı saıtynda jarııalanǵan bolatyn, dep habarlaıdy QazAqparat tilshisi.

Mınıstrliktiń baspasóz qyzmeti usynǵan málimetke sáıkes, eki kúnniń ishinde elektrondy kitapty 100 myń adam júktep aldy. Sonyń ishinde Qazaqstan (50 protsent), Reseı (12 protsent), Qyrǵyzstan (7 protsent), Ońtústik Koreıa (6 protsent), Ózbekstan (5 protsent), Frantsııa (5 protsent), Amerıka (4 protsent), Túrkııa (4 protsent), Italııa (3 protsent), Kanada (2 protsent) jáne taǵy basqa elderdiń azamattary bar.

Aıta keteıik, QR Mádenıet jáne sport mınıstrliginiń tapsyrysy boıynsha QR Ulttyq kitaphanasy qazaqstandyq tanymal mánerlep syrǵanaýshy Denıs Tenniń qaza tabýyna baılanysty «Bizdiń Denıs» dep atalatyn kitap shyǵardy. Kitapta sportshynyń ómirbaıany, jarqyn suhbattary, sondaı-aq el, otbasy jáne ómir týraly aıtylǵan pikirleri keltirilgen. Onda Denıstiń sırek kezdesetin jáne jarystar men ár túrli is-sharalardan estelik fotosýretteri, sondaı-aq álemdik jáne qazaqstandyq juldyzdardyń estelikteri bar.