Denıs Ten ómiriniń sońǵy sátterinde jelide ne týraly aıtty

ASTANA. QazAqparat - Qazaqstandyq mánerlep syrǵanaý Denıs Ten pyshaq jaraqatyn alardan buryn Almatydaǵy meıramhanalardyń birinde túski as ishken, dep habarlaıdy QazAqparat tilshisi sportshynyń Instagramdaǵy paraqshasyna silteme jasap.

«Stories» bóliminde úsh saǵat buryn Denıs Ten Hedonist meıramhanasynyń geolokatsııasyn kórsetken. Onyń sózine qaraǵanda, ol jerge rus_libirry nıkimen tirkelgen paıdalanýshy shaqyrǵan. Ol da sportshynyń vıdeosyn jazylýshylarymen bólisken.

Keshe ol belgili qazaqstandyq blogerlermen birge otyrǵan fotosýretteri men vıdeolaryn bólisken.

Eske sala keteıik, Danıs Ten saǵat úshte pyshaq jaraqatyn alyp, Almatydaǵy ortalyq aýrýhanaǵa túsken. Oqys oqıǵa Qurmanǵazy-Baıseıitova kósheleriniń qıylysynda bolǵan.

Almaty ІІD bergen málimetterge qaraǵanda, sportshy kóliginiń aınasyn urlap bara jatqan eki adamnyń ústinen túsken. Eki arada bastalǵan janjaldyń nátıjesinde álgi adamdar Denıs Tendi pyshaqtap ketken. 

Ókinishke qaraı, 17:30-da Tenıs Ten qaıtys boldy.