Denıs Ten ólimine qatysty qylmystyq is qaıta tergeýge jiberilmeıdi
Buǵan deıin Denıs Tenniń anasy Oksana Tenniń qorǵaýshysy isti qaıta qaraýǵa jiberýdi ótingen bolatyn.
«Sot qatysýshylardyń pikir-ótinishterin eskere otyryp, qaýly etedi. Qorǵaýshy Óstemirovtyń isti prokýrorǵa qaıtarý týraly ótinishi qanaǵattandyrýsyz qaldyrylsyn. Sot qazirgi ýaqytta isti qaıta tergeýge negiz joq dep tapty. Siz kórsetken mán-jaılardyń barlyǵyna qatysty aldyn ala sotqa deıingi tergeý barysynda tergeýshiniń protsessýaldyq sheshimi qabyldanǵan. Ol zańdy kúshin joıǵan joq áli. Qaıta tergeý ınstıtýty joqtyǵynan qaıtarý úshin QR QPK 323-babynda kórsetilgen negizderge saı emes ekenin aıtyp otyrmyn. Negizgi sot barysynda sizder aıtqan mán-jaılar anyqtalsa, sot óz quzyry sheginde qaýly qabyldaıtyn bolady», - dedi sýdıa Keńshilik Ábildınov.
Jábirlenýshi tarap - Denıs Tenniń anasy Oksana Tenniń ókili Nurlan Óstemirov isti qaıta qaraýdy suraǵan bolatyn.
«Denıstiń anasy ekeýimiz 39 tomdyq isti qaraı kele qarama-qaıshylyqqa toly 14 derek taptyq. Ol derekter bul qylmystyń tapsyryspen bolǵanyn kórsetedi. Sondyqtan, ol tulǵalardy da jaýapqa tartý úshin atalǵan isti bólek óndiriske bólý maqsatynda prokýrorǵa qaıta qaraýǵa jiberýdi suraımyz»,- degen edi ol.
Munyń aldynda sottalýshylardyń jeke tulǵasy týraly məlimet belgili boldy. Sottalýshy Janar Tolybaeva óziniń júkti ekenin məlimdegen bolatyn.
Kelesi sot otyrysy 3 qańtar, tańerteńgi 10.00-ǵa belgilendi.
Eske salsaq, Denıs Tendi bıyl 19 shildede Almaty qalasynda belgisiz bireýler pyshaqtap ketken edi. Aýyr halde aýrýhanaǵa jetkizilgen sportshy kóz jumǵan bolatyn.
Denıs Tenniń ólimine qatysty qylmystyq isqozǵalyp, kúdiktiler izdestirildi. Elbasy Denıs Tenge qatysty qylmysty muqııat tekserýdi tapsyrdy. Keıin QR ІІM kúdiktilerdiń ustalǵanyn jarııa etti.
Eske sala ketsek, qyrkúıek aıynyń sońynda Іshki ister mınıstri Qalmuhanbet Qasymov atalmysh qylmystyq istiń tergelýine qatysty málimet bergen bolatyn.
Búgin Almaty qylmystyq ister boıynsha aýdanaralyq mamandandyrylǵan sotta belgili sportshynyń ólimi boıynsha aldyn ala sot tyńdalymy ótti.
