Denıs Ten ólimi: Sottalýshylar sońǵy sózin aıtty
QR QK 188-babynyń 1-bólimi, 434-babymen aıyptalǵan Janar Tolybaeva jaryssóz barysynda kózine jas aldy.
«Men bul kisilerdiń qaıǵysyn túsinemin. Bul - búkil Qazaqstannyń qaıǵysy. Men taǵy keshirim suraımyn. Meniń ishimdegi, əri úıdegi balamnyń kóz jasyn eskerseńizder. Ədiletti sheshim qabyldaýyńyzdy suraımyn»,- dedi Janar Tolybaeva.
Óz kezeginde Nuraly Qııasov eki aýyz ǵana sóz aıtty.
«Bolǵan oqıǵaǵa ókinemin. Bizdi keshirý múmkin emes. Sonda da keshirim suraımyn. Meniń de ata-anam bar. Olar da meni jaqsy tərbıeledi. Biraq men qatelikterimdi ózim túzeýim kerek. Biz Denısti óltiremiz degen oıymyz bolǵan joq. Ədil sheshim shyǵarýyńyzdy suraımyn»,- dedi Nuraly Qııasov.
«Men keshirim suraımyn. Qatty ókinemin. Men bulaı bolǵanyn qalamaǵan edim. Men anasynyń júregindegi qaıǵyny jaqsy túsinip turmyn. Ol kisi osyndaı adamdy tərbıeleý úshin baryn saldy. Biz Denıs Tennen aırylyp qalǵanymyzǵa ókinemin. Denıs Qazaqstannyń jaýhary edi»,- dedi A.Qudaıbergenov.
Aıta ketý kerek, erteń keshki 17:00-de sot úkimi oqylatyn boldy.
Eske salsaq, Denıs Tendi bıyl 19 shildede Almaty qalasynda belgisiz bireýler pyshaqtap ketken edi. Aýyr halde aýrýhanaǵa jetkizilgen sportshy kóz jumdy.
Denıs Tenniń ólimine qatysty qylmystyq is qozǵalyp, kúdiktiler izdestirildi. Elbasy Denıs Tenge qatysty qylmysty muqııat tekserýdi tapsyrdy. Keıin QR ІІM kúdiktilerdiń ustalǵanyn jarııa etti. Al, qyrkúıek aıynyń sońynda Іshki ister mınıstri Qalmuhanbet Qasymov atalmysh qylmystyq istiń tergelýine qatysty málimet bergen bolatyn. 25-jeltoqsanda Almaty qylmystyq ister boıynsha aýdanaralyq mamandandyrylǵan sotynda belgili sportshynyń ólimi boıynsha aldyn ala sot tyńdalymy ótti.
Sottyń sońǵy otyrysynda sottalýshy Nuraly Qııasov óz kinəsin ishinara moıyndaǵan bolatyn.
