Denıs Evseev Qytaıdaǵy týrnırde jergilikti tennısshini utty

ASTANA. KAZINFORM – Qazaqstandyq tennısshi, álemniń 340-raketkasy Denıs Evseev Beıjiń (Qytaı) chellendjer týrnırinde irikteý saıystarynyń fınalyna shyqty.

Іrikteýde 8-raketka bolyp tirkelgen D.Evseev bastapqy kezdesýinde reıtıngide 844-orynda turǵan qytaılyq ıAo Dzengany qapy qaldyrdy. 

Birinshi partııada 6:4 esebi tirkelse, Evseev ekinshi sette de qarqynyn joǵaltqan joq – 6:2.

Saǵat jarymǵa sozylǵan básekede D.Evseev 1 eıspen birge 11 breık-poınttyń beseýin paıdalandy. Dzenga 4 eıs, 2 breıkpen (3 breık-poınt) erekshelendi. 

Denıs Evseev irikteý saıystarynyń fınalynda álemniń 292-raketkasy, taıbeılik Týn-Lın Výmen kezdesedi. Ony joldan taıdyrsa, negizgi jarysqa joldama alady. 

Eske sala keteıik, budan buryn Aleksandr Býblıktiń Qytaıdaǵy týrnırdiń jartylaı fınalynda oınaıtynyn jazǵan edik. 

Sondaı-aq Aleksandr Shevchenko Qytaıdaǵy jarystyń jartylaı fınalyna shyqty.