Denıs Evseev Germanııadaǵy týrnırde jarystyń 2-raketkasyn jeńdi

ASTANA. KAZINFORM – Qazaqstandyq tennısshi, álemniń 275-raketkasy Denıs Evseev Haılbronn (Germanııa) chellendjer týrnıriniń ekinshi aınalymyna joldama aldy.

Qazaqstandyq tennısshi bastapqy kezdesýin álemniń – 99, osy jarystyń 2-raketkasy, ıspanııalyq Pablo Karreno-Býstamen sátti ótkizdi.

Denıs Evseev eki sette de 7:5 esebimen basym tústi. 

Bir saǵat 50 mınýtqa sozylǵan báseke barysynda Evseev 6 eıspen birge 12 breık-poınttyń tórteýin paıdalandy. Karreno-Býsta 1 eıs, 2 breıkten (7 breık-poınt) asa almady. 

Denıs Evseev shırek fınalǵa shyǵý úshin reıtıngide 192-oryndaǵy Perý ókili, 21 jastaǵy Ignasıo Býsemen talasady.

I.Býse alǵashqy aınalymda taǵy bir qazaqstandyq, álemniń 233-raketkasy Tımofeı Skatovty qapy qaldyrdy – 6:1, 7:6 (7:4). Bul kezdesý 1 saǵat 51 mınýtqa sozyldy. Onyń barysynda Skatov 2 eıs, 2 breıkke (5 breık-poınt) qol jetkizdi. Býse 4 eıs, 4 breıkpen (8 breık-poınt) kózge tústi. 

Eske sala keteıik, budan buryn Rolan Garros týrnırinde Býblıktiń álemniń 5-raketkasyn eline qaıtarǵanyn jazǵan bolatynbyz.