Demeý Jadyraevtyń bozkilemge oralatyn kún belgili boldy
ASTANA. KAZINFORM – Parıj Olımpıadasynyń kúmis júldegeri Demeý Jadyraev 2025 jyly boz kilemge oralatyn boldy.
Bul týraly ulttyq qurama bapkeri Qonysbek Tókenov sportbugin saıtyna bergen suhbatynda aıtty.
Tókenovtiń aıtýynsha, 35 jastaǵy sportshy tamyz aıynda Germanııanyń Dortmýnd qalasynda ótetin Gran-prı týrnırinde baq synaıdy. Dál osy jarystaǵy nátıjesine qaraı onyń álem chempıonatyna qatysý-qatyspaýy sheshilmek.
– Sportshy qazirgi ýaqytta tyǵyz daıyndyq ústinde. Tamyzda Dortmýndtegi Gran-prıge qatysady. Biz onyń qazirgi deńgeıin sol jerde baǵalaımyz. Eger jaqsy nátıje kórsetse, álem chempıonatyna qatysatyn kandıdattar qataryna enedi. Al nátıje bolmasa – quramadan tys qalady, - dedi Tókenov.
Buǵan deıin ýshý sportynan Azııa chempıonatynda Qazaqstan quramasy alty medal alǵanyn jazǵan edik.