Demeý Jadyraevtyń bapkerlikke ketkeni durys shyǵar – ıÝrıı Melnıchenko

ASTANA. KAZINFORM – Grek-rım kúresinen ulttyq quramanyń bas bapkeri ıÝrıı Melnıchenko Kazinform tilshisine bergen suhbatynda Parıj Olımpıadasynyń kúmis júldegeri Demeý Jadyraevtyń sporttaǵy keleshegi týraly pikirin aıtty. 

«Demeý jasy kelgen sportshy. Oǵan sporttaǵy mansabyn aıaqtap, tálimger nemese qandaı da bir sporttyq uıymnyń basshylyǵyna ketý qısyndy dep oılaımyn. Onyń zeıini men patrıottyq deńgeıi óte joǵary», - deıdi dańqty sportshy.

Aıtýynsha, Demeý Jadyraevtyń ornyn basatyn jastar barshylyq.

«Birinshi kezekte statıstıkaǵa mán berý kerek. Jastar arasynda álem chempıony atanǵan, álem chempıonatynyń júldesin alǵan, Azııa chempıony atanǵan jastar bar. Ulttyq quramanyń negizgi rezervi solar. Buǵan deıin de solaı bolǵan. Solaı bola beredi de. Olardan bólek esh jerde kózge túspese de eńbekqor, sportqa ómirin arnaǵan sheberler bar. Elimizde kúrespen aınalysatyndardyń sany az emes. Sol sandy sapaǵa aınaldyrý kerek», - deıdi ıÝrıı Melnıchenko.