Demalysta kún raıy qandaı bolady

«Qazgıdromet» RMK demalys kúnderge aýa raıy boljamyn usyndy, dep habarlaıdy Kazinform.

Sınoptıkter málimetinshe, 15 qazannan bastalyp, 28 qazanǵa deıin sozylatyn tereń kúz maýsymy endi.

Senbi, jeksenbide Qazaqstanda kún aıtarlyqtaı salqyndaı bastaıdy.

«Respýblıkanyń sınoptıkalyq jaǵdaıyn Soltústik Atlantıka tsıklony men Skandınavııalyq antıtsıklon qalyptastyryp, ártúrli fazalarda jaýyn-shashyn týdyrady jáne kúndizgi jylynýdy shekteıdi.

Tek elimizdiń ońtústiginde jańbyr jaýyp, taýly aımaqtarda jańbyrdyń sońy qarǵa ulasady.

Elimizdiń soltústiginde jáne ortalyǵynda túnde -0-5 úsik júredi, kúndiz aýa temperatýrasy +2+12 gradýsqa deıin joǵarylaıdy. Al dúısenbide termometr -3 – + 5 gradýs kórsetedi.

Respýblıkanyń batysynda, ońtústiginde jáne shyǵysynda salystyrmaly túrde jyly kún raıy saqtalady», - delingen habarlamada.