DDU Sýdandaǵy balalar úshin asharshylyq qateri týraly eskertti

ASTANA. KAZINFORM – Sýdandaǵy balalar eldegi jalǵasyp jatqan qarýly qaqtyǵystar saldarynan ashtyqtyń az-aq aldynda tur, dep habarlaıdy Anadoly. 

Bul týraly Dúnıejúzilik densaýlyq saqtaý uıymynyń (DDU) bas dırektory Tedros Adanom Gebreıesýs málimdedi.

X áleýmettik jelisindegi jazbasynda ol eldegi gýmanıtarlyq jaǵdaıdyń kúrt nasharlaǵanyna nazar aýdaryp, «balalar asharshylyq qaterine tap bolyp otyr, al gýmanıtarlyq kómek kórsetip júrgen qyzmetkerler ómirin qaterge tigip, qaza taýyp jatyr» dep atap ótti.

Gebreıesýs BUU-nyń Dúnıejúzilik azyq-túlik baǵdarlamasy (WFP) men Balalar qoryna (UNICEF) qyzmetkerlerinen aıyrylǵany úshin kóńil aıtty.

DDU basshysy gýmanıtarlyq qyzmetkerlerge jasalǵan shabýyldardy qatań aıyptap, beıbit turǵyndardy, ınfraqurylymdy jáne gýmanıtarlyq mıssııa qyzmetkerlerin dereý ári turaqty qorǵaýǵa shaqyrdy.

— Eń jaqsy em — bul beıbitshilik, — dedi ol.

Aıta ketelik DDU Gaza sektoryndaǵy densaýlyq saqtaý júıesi qaıtarymsyz kúıge jetti degen edi.