DDU koronavırýsty emdeıtin taǵy bir preparatty maquldady

NUR-SULTAN. QazAqparat – Dúnıejúzilik densaýlyq saqtaý uıymy (DDU) monoklonaldi antıdenelerge jatatyn totsılızýmabty koronavırýspen aýyratyn naýqastardy emdeýge arnalǵan preparattar tizimine engizdi, dep habarlaıdy QazAqparat BUU-nyń Jańalyqtar saıtyna silteme jasap.

Bul – COVID-19-ben kúresý úshin uıym maquldaǵan altynshy preparat.
Preparattardyń úsheýin Roche kompanııasy óndiredi. DDSU farmatsevtıkalyq kompanııalar tarapynan qyzyǵýshylyq artyp, básekelestiktiń arqasynda baǵa tómendeıdi dep úmittenedi. COVID-19-dyń aýyr nemese asa aýyr formasymen aýyratyn naýqastardyń ımmýndyq júıesiniń reaktsııasy shekten tys bolady. Mundaı reaktsııany ınterleıkın-6 ıngıbıtor-preparattary, onyń ishinde totsılızýmab basady.